ပုရိသ တိုင်း နေ့စဥ် ပြုလုပ်သင့်တဲ့ ပေါ့ပေါ့ပါးပါး လေ့ကျင့်ခန်း များ

လေ့ကျင့်ခန်း ပြုလုပ်ခြင်းသည် ကောင်းမွန်သော အလေ့အကျင့်တစ်ခုဖြစ်ပြီး ကျန်းမာရေးနှင့် ညီညွှတ်တဲ့ အပြုအမူတစ်ခုပဲဖြစ်ပါတယ်။

ပုရိသ တို့အနေနဲ့ ကျန်းမာကြံ့ခိုင်ပြီး သက်လုံအားကောင်းချင်တယ်ဆိုရင် လေ့ကျင့်ခန်း များကို တစ်နေ့လျှင် အနည်းဆုံး မိနစ် ၂၀ ခန့် အချိန်ပေးကာ ပြုလုပ်ရမှာပဲဖြစ်ပါတယ်။

ပြင်းထန်လွန်းတဲ့ လေ့ကျင့်ခန်းများကို မပြုလုပ်ချင်ဘူး၊ ပေါ့ပေါ့ပါးပါး လေ့ကျင့်ခန်းများကိုသာ ပြုလုပ်ချင်တယ်ဆိုတဲ့ ပုရိသ တို့အတွက် အခုဖော်ပြပေးမယ့် လေ့ကျင့်ခန်း များက လွယ်ကူ ရိုးရှင်းတဲ့အတွက်ကြောင့် မိမိအားလပ်ချိန်မှာ အလွယ်လေးပဲ ပြုလုပ်နိုင်ပါတယ်။

လေ့ကျင့်ခန်းများ မစခင်မှာ သွေးပူလေ့ကျင့်ခန်းများကို ၅ မိနစ်ခန့် ပြုလုပ်ပေးရပါမယ်။

လေ့ကျင့်ခန်း (၁)

ဒီလေ့ကျင့်ခန်းကတော့ Plank ထောက်ရမယ့် လေ့ကျင့်ခန်းပဲဖြစ်ပါတယ်။ စစချင်း Plank ထောက်မယ့်သူများအနေနဲ့ အရင်ဦးဆုံး စက္ကန့် ၃၀ ကနေ အစပြုပါ။ ထိုမှတဆင့် တဖြည်းဖြည်း အချိန် တိုးကာ ပြုလုပ်ပေးရမှာပဲဖြစ်ပါတယ်။

လေ့ကျင့်ခန်း (၂)

ဒီလေ့ကျင့်ခန်း ပြုလုပ်ဖို့ရန်အတွက် အရင်ဦးဆုံး ကြမ်းပြင်ပေါ်မှာ လှဲလျောင်းလိုက်ပါ။ လက်နှစ်ဖက်ကို အပေါ်သို့ ဆန့်တန်းထားပါ။ ဘယ်ခြေကို ၉၀ ဒီဂရီ ထောင်ထားပါ။ ထို့နောက် ညာခြေကို ဆန့်တန်းလိုက်၊ ကွေးလိုက်ဖြင့် တစ်လှည့်စီ ပြုလုပ်ရပါမယ်။ ၁၂ ကြိမ်ခန့် ပြုလုပ်ပြီးတဲ့အခါ ခြေထောက်နှစ်ဖက်ကို ဘက်ပြောင်းကာ နောက်ထပ် ၁၂ ကြိမ်ခန့် ပြုလုပ်ပေးလိုက်ပါ။ ဒါဆိုရင်တော့ တစ်ကျော့ ပြည့်သွားပြီဖြစ်ပါတယ်။ နောက်ထပ် ၂ ကျော့ ဆက်လက်ပြုလုပ်ပေးလိုက်ပါ။

လေ့ကျင့်ခန်း (၃)

အလေးတုံး နှစ်တုံးကိုင်ပြီး ကြမ်းပြင်ပေါ်မှာ လှဲလျောင်းနေပါ။ ထို့နောက် တံတောင်ကို ကွေးလိုက် ဆန့်တန်းလိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရပါမယ်။

လေ့ကျင့်ခန်း (၄)

ကွီးတို့ရဲ့ လက်မောင်းကြွက်သားနှင့် ဝမ်းဗိုက်ကြွက်သားများကို သန်မာလာအောင် ကူညီပေးပါတယ်။

ပြုလုပ်နည်းကလည်း လွယ်ကူပါတယ်။ ခုံတစ်လုံးပေါ်တွင် လက်နောက်ပြန်ထားပြီး တင်ထားပါ။ ထို့နောက် တံတောင်ကို ကွေးလိုက် ဆန့်လိုက်ဖြင့် တစ်လှည့်စီ ပြုလုပ်ပေးရမှာပဲဖြစ်ပါတယ်။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။

လေ့ကျင့်ခန်း (၅)

အရင်ဦးဆုံး ကြမ်းပြင်ပေါ်မှာ လှဲလျောင်းနေပါ။ ထို့နောက် ဒူးနှစ်ဖက်ကို ၉၀ ဒီဂရီ ကွေးညွှတ်ကာ ထောင်ထားလိုက်ပါ။ ထို့နောက် ဝမ်းဗိုက် ကြွက်သားအား အသုံးပြုကာ ခန္ဓာကိုယ် အပေါ်ပိုင်းကို ကြွပေးလိုက်ပါ။ စုစုပေါင်း ၁၅ ကြိမ်၊ ၃ ကျော့မှ ၄ ကျော့ ပြုလုပ်ပေးလိုက်ပါ။

လေ့ကျင့်ခန်း (၆)

ကြမ်းပြင်ပေါ်မှာ ဝမ်းလျားမှောက်နေပါ၊ လက်နှစ်ဖက်နောက်ပစ်ပြီး အပေါ်ကြွလိုက်ချိန်မှာ ခြေထောက်နှစ်ဖက်ကိုလည်း တစ်ပြိုင်နက်တည်း ကြွလိုက်ရပါမယ်။ မူလအနေအထားအတိုင်း ပြန်နေပါ။

စုစုပေါင်း ၁၅ ကြိမ်၊ ၃ ကျော့မှ ၄ ကျော့ ပြုလုပ်ပေးလိုက်ပါ။

ဒီလေ့ကျင့်ခန်းများကတော့ အလုပ်များတဲ့ ပုရိသ တို့အတွက် အချိန်အနည်းငယ် ပေးရုံမျှဖြင့် ပြုလုပ်နိုင်တဲ့ လေ့ကျင့်ခန်း များပဲဖြစ်ပါတယ်။

Source: Menshealth

Featured Image: Freepik