တစ်နေ့လျှင် မိနစ် ၄၀ ခန့် အားကစားပြုလုပ်ခြင်းသည် ကျန်းမာရေးကို ကောင်းမွန်စေပြီး ကြံ့ခိုင်ရွှင်လန်းတဲ့ဘဝကို ပိုင်ဆိုင်နိုင်အောင် ကူညီပေးပါတယ်။ မိနစ် ၄၀ ခန့် မပြုလုပ်နိုင်ရင်တောင်မှ ၁၀ မိနစ်၊ ၁၅ မိနစ်ခန့် ဆော့ကစားပေးပါက လုံလောက်ပါတယ်။ ဒီလိုလေ့ကျင့်ခန်းများကို ကွီး တို့ရဲ့ အသက်အရွယ် အလိုက် ဆော့ကစားပေးပါက လေ့ကျင့်ခန်း ကြောင့် ကျန်းမာကြံ့ခိုင်တဲ့ဘဝကို ပိုင်ဆိုင်နိုင်မှာပဲဖြစ်ပါတယ်။

ကွီး တို့ ၂၀ ကျော် အသက်အရွယ် မှာ ပြုလုပ်သင့်တဲ့ လေ့ကျင့်ခန်းများ

အခုဖော်ပြပေးမယ့် လေ့ကျင့်ခန်းများကိုတော့ လေ့ကျင့်ခန်းတစ်ခုစီကို စက္ကန့် ၄၀ ခန့်နှင့် ၃ ကျော့ ဆော့ကစားပေးရမှာဖြစ်ပါတယ်။

လေ့ကျင့်ခန်း (၁)

Source: Flab Fix

အရင်ဦးဆုံး ခြေထောက်နှစ်ဖက်ကို အနည်းငယ်ချဲထားကာ မတ်တပ်ရပ်နေပါ။ ထို့နောက် ခန္ဓာကိုယ်အပေါ်ပိုင်းကို အရှေ့သို့ ကိုင်းချကာ လက်နှစ်ဖက်က အရှေ့ကို နည်းနည်းချင်းစီ တိုးသွားပါ။

ထို့နောက် တံတောင်နှစ်ဖက်ကွေးကာ ဒိုက်ထိုးလိုက်ပါ။ ပြီးရင်တော့ လက်နှစ်ဖက်ကို အနောက်သို့ ဖြည်းဖြည်းချင်းစီဆုတ်ပါ။

လက်နှစ်ဖက်ကို အရှေ့တိုးကာ ဒိုက်ထိုးလိုက်၊ အနောက်ပြန်ဆုတ်လိုက်ဖြင့် တစ်လှည့်စီပြုလုပ်ပေးရပါမယ်။

လေ့ကျင့်ခန်း (၂)

Source: IceGif

အရင်ဦဆုံး ခြေထောက်နှစ်ဖက်ကို ပုခုံးအကျယ်အတိုင်း အနည်းငယ်ချဲထားပါ။

ထို့နောက် ခြေထောက်နှစ်ဖက်ကားကာ လက်နှစ်ဖက်ကို အပေါ်မြှောက်ပြီး ထိကပ်ပေးလိုက်ပါ။ ထို့နောက် လက်နှစ်ဖက် ပြန်ချပြီး ခြေထောက်နှစ်ဖက် ပြန်စုလိုက်ပါ။

ခြေထောက်နှစ်ဖက်ကားလိုက် ပြန်စုလိုက်ဖြင့် တစ်လှည့်စီပြုလုပ်ပေးရပါမယ်။

လေ့ကျင့်ခန်း (၃)

Source: Menshealth

ခြေထောက်နှစ်ဖက်ကို ပုခုံးအကျယ်အတိုင်း ချဲထားကာ မတ်တပ်ရပ်နေပါ။ ထို့နောက် ခန္ဓာကိုယ်ကို ကြမ်းပြင်သို့ နိမ့်ချလိုက်ပါ တံတောင်နှစ်ဖက်ကွေးပြီး ဒိုက်ထိုးလိုက်ပါ။

ထို့နောက် မတ်တပ်ပြန်ရပ်ပြီး ခုန်လိုက်ပါ။

အထက်ဖော်ပြပါ အဆင့်များကို တစ်လှည့်ချင်းစီ ပြုလုပ်ရမှာဖြစ်ပါတယ်။

လေ့ကျင့်ခန်း (၄)

Source: Flab Fix

ဒီလေ့ကျင့်ခန်းကို ဘောလုံးသမားတွေ ဘောလုံးမကန်ခင်မှာ သွေးပူလေ့ကျင့်ခန်းပြုလုပ်တဲ့အချိန်မှာ တွေ့ဖူးကြပါလိမ့်မယ်။

ခြေထောက်နှစ်ဖက်ကို ကားနိုင်သမျှ ကားထားပြီး ဒူးအနည်းငယကွေးကာ နိမ့်ချည်မြင့်ချည်နှင့် တစ်လှည့်စီ မြှောက်ပေးရမှာဖြစ်ပါတယ်။

စက္ကန့် ၄၀ ခန့်ကြာအောင် ပြုလုပ်ရမှာဖြစ်ပြီး ၃ ကျော့ ပြုလုပ်ရမှာပါ။

လေ့ကျင့်ခန်း (၅)

Source: Menshealth

ဒူးအနည်းငယ် ကွေးညွှတ်ထားကာ အသင့်အနေအထားပြင်ပါ။

ထို့နောက် ဘယ်ခြေကို ဘယ်ဘက်အခြမ်းသို့ ရွေ့ကာ ခန္ဓာကိုယ်က ခုန်လိုက်ပါ။ တစ်ဖန် ညာခြေကို ခန္ဓာကိုယ်ရဲ့ ညာဘက်အခြမ်းသို့ ရွေ့ကာ ခုန်လိုက်ပါ။

ဘယ်ညာတစ်လှည့်စီ ခုန်ပေးရမှာဖြစ်ပါတယ်။

အခုဆက်လက်ဖော်ပြပေးမှာကတော့ ကွီး တို့ အသက်အရွယ် ၃၀ ကျော်ခန့်မှာ ပြုလုပ်သင့်တဲ့ လေ့ကျင့်ခန်း တွေပဲဖြစ်ပါတယ်။

လေ့ကျင့်ခန်း (၁)

Source: Flab Fix

အရင်ဦးဆုံး လေ့ကျင့်ခန်းပြုလုပ်တဲ့ဖျာပေါ်တွင် ဘေးတစောင်း လှဲလျောင်းနေပါ။ ထို့နောက် ဘယ်ခြေကို အပေါ်သို့မြှောက်ကာ ကားလိုက်ပါ။ ထို့နောက် ခြေထောက်ပြန်ချပါ။

ခြေထောက်ကို အပေါ်မြှောက်လိုက် ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။ စက္ကန့် ၄၀ ခန့် ပြုလုပ်ပါ။

ပြီးရင်တော့ ခန္ဓာကိုယ်ကို ဘက်ပြောင်းကာ ဘေးတစောင်း လှဲလျောင်းပါ။ ထို့နောက် စောစောကလိုပဲ ညာခြေကို အပေါ်သို့ မြှောက်လိုက်ပါ။ ပြန်ချပါ။ စက္ကန့် ၄၀ ပြည့်သည်အထိ တစ်လှည့်စီ ပြုလုပ်ရပါမယ်။

ဒီအဆင့်အထိကို တစ်ကျော့ပြီးသွားပြီလို့ သတ်မှတ်ရပါမယ်။ စုစုပေါင်း ၃ ကျော့ ပြုလုပ်ရမှာပါ။

လေ့ကျင့်ခန်း (၂)

Source: Pinterest

ခြေထောက်နှစ်ဖက်ကို အနည်းငယ် ချဲထားပါ။ ထို့နောက် ညာခြေကို အရှေ့ထုတ်၊ ဘယ်ခြေကို အနောက်ပို့ပါ။ ပြီးရင်တော့ ခြေထောက်ပြန်စုပြီး ခုန်လိုက်ပါ။

တစ်ဖန် ဘယ်ခြေကို အရှေ့ထုတ်၊ ညာဒူးကို အနောက်သို့ ပို့ကာ ကြမ်းပြင်နဲ့ ထိလုနီးပါး ကွေးညွှတ်လိုက်ပါ။ ခြေထောက်ပြန်စုပြီး အပေါ်သို့ ခုန်လိုက်ပါ။

ထိုအဆင့် (၂) မျိုးကို တစ်လှည့်စီ ပြုလုပ်ရပါမယ်။

လေ့ကျင့်ခန်း (၃)

Source: Menshealth

အရင်ဆုံး ခြေထောက်စုကာ မတ်မတ်ရပ်နေပါ။ ထို့နောက် ခြေထောက်နှစ်ဖက်ကို ဘေးသို့ ကားထုတ်ကာ လက်နှစ်ဖက်ကို အရှေ့သို့ ဆန့်တန်းပြီး ဒူးနှစ်ဖက်ကွေးကာ Squat ထိုင်လိုက်ပါ။

ထို့နောက် ခြေထောက်နှစ်ဖက်ပြန်စုကာ မူလအနေအထားအတိုင်း ပြန်ရပ်နေပါ။

ခြေထောက်ပြန်ကားကာ Squat ထိုင်လိုက် ခြေထောက် ပြန်စုလိုက်ဖြင့် တစ်လှည့်စီ ပြုလုပ်ပေးရမှာဖြစ်ပါတယ်။

လေ့ကျင့်ခန်း (၄)

Source: Gfycat

လေ့ကျင့်ခန်း ပြုလုပ်တဲ့ ဖျာပေါ်တွင် ပုံပါအတိုင်း လေးဖက်ထောက်ထားပါ။

ထို့နောက် ဘယ်ခြေကို ခန္ဓာကိုယ် ဘယ်ဘက်သို့ ကားထုတ်လိုက်ပါ။ မူလအနေအထားအတိုင်း ပြန်ချပါ။ စက္ကန့် ၄၀ ပြည့်တဲ့အထိ တစ်လှည့်စီ ပြုလုပ်နေရပါမယ်။

ပြီးသွားရင်တော့ ညာခြေကိုလည်း စောစောကနည်း အတိုင်း စက္ကန့် ၄၀ ပြည့်တဲ့အထိ ပြုလုပ်ပေးရမှာပါ။ ဘယ်ညာကို တစ်ကျော့လို့ သတ်မှတ်ပြီး စုစုပေါင်း ၃ ကျော့ ပြုလုပ်ရမှာဖြစ်ပါတယ်။

လေ့ကျင့်ခန်း (၅)

Source: Pinterest

ဒီလေ့ကျင့်ခန်းကတော့ အိပ် ထ မတင် လေ့ကျင့်ခန်းလေးပဲဖြစ်ပါတယ်။

ပုံပါအတိုင်း ဗိုက်ကြွက်သားကို အသုံးပြုပြီး အိပ် ထ မတင် လေ့ကျင့်ခန်း ပြုလုပ်ရမှာပဲဖြစ်ပါတယ်။

စုစုပေါင်း စက္ကန့် ၄၀၊ ၃ ကျော့ ပြုလုပ်ရမှာဖြစ်ပါတယ်။

ကွီး တို့အနေနဲ့ အခုဖော်ပြသွားတဲ့ လေ့ကျင့်ခန်းများကို ကိုယ့် အသက်အရွယ် အလိုက် လေ့ကျင့်ခန်း မှန်မှန်ပြုလုပ်ပေးပါက အဆီပိုတွေ ကင်းဝေးတဲ့ ခန္ဓာကိုယ်မျိုးကို ပိုင်ဆိုင်နိုင်မှာဖြစ်ပါတယ်။

Source: Runningonrealfood

Featured Image: Medicalnewstoday