ကွီးတို့ရဲ့ စကီ လေးတွေနဲ့ ပျော်ပျော်ရွှင်ရွှင် အချိန်ကုန်ဆုံးချင်တယ်ဆိုရင် ကွီးတို့ရဲ့ ကျန်းမာရေး ကို ဂရုစိုက်ဖို့ လိုအပ်ပါလိမ့်မယ်။ ကျန်းမာမှသာလျှင် လူမှုရေး၊ အချစ်ရေး၊ စီးပွားရေး ကိစ္စအဝဝ အဆင်ပြေနေမှာဖြစ်ပါတယ်။ ကျန်းမာမှသာလျှင် ကွီးတို့ စကီ လေးတွေနဲ့ ဇယားရွေ့နိုင်မှာဖြစ်တာကြောင့် ကျန်းမာရေး လိုက်စားဖို့လိုအပ်ပါတယ်။

အစားကို အချိန်မှန်မှန်စား၊ အိပ်ရေး ဝဝ အိပ်စက်အနားယူ၊ ကျန်းမာရေးကိုလည်း လိုက်စားမှသာလျှင် ကွီးတို့ရဲ့ ယေဘုယျ ကျန်းမာရေးစနစ်သည် ကောင်းမွန်နေမှာဖြစ်ပါတယ်။ နို့မဟုတ်ရင် အစာအိမ်က ထဖြစ်လိုက်၊ ခေါင်းမူး၊ ခေါင်းကိုက်လိုက်နဲ့ဆိုရင် ချူချာလွန်းလို့ စကီလေးတွေက ငြိုငြင်သွားပါလိမ့်မယ်။

စကီ လေးတွေ မငြိုငြင်ဖို့အရေး ကွီးတို့ရဲ့ ကျန်းမာရေး ကို အခုဖော်ပြပေးမယ့် နည်းလမ်းများဖြင့် ဂရုစိုက်ပေးလိုက်ပါ။

လေ့ကျင့်ခန်း (၁)

စကီ ကျန်းမာရေး

ပထမဦးဆုံး လေ့ကျင့်ခန်းကတော့ လမ်းလျှောက်ခြင်းပဲဖြစ်ပါတယ်။ တစ်ပတ်လျှင် ၃ ရက်မှ ၅ ရက်ခန့်၊ တစ်ရက်လျှင် မိနစ် ၂၀ မှ ၃၀ ခန့်အထိ လမ်းလျှောက်ပေးဖို့ လိုအပ်ပါတယ်။ ဒီလိုလမ်းလျှောက်ခြင်းအားဖြင့် နှလုံးကျန်းမာရေးကိုလည်း ကောင်းမွန်စေပြီး ဆီးချိုရောဂါ ဖြစ်ပွားခြင်းမှလည်း ကာကွယ်ပေးပါတယ်။ ထို့နောက် ကွီးတို့ရဲ့ အစာခြေစနစ်ကို ကောင်းမွန်စေပါတယ်။

လေ့ကျင့်ခန်း (၂)

စကီ ကျန်းမာရေး

ဒုတိယ လေ့ကျင့်ခန်းကတော့ စက်ဘီးစီးခြင်းပဲ ဖြစ်ပါတယ်။ စက်ဘီးစီးခြင်းသည် ပင်ပန်းနွမ်းနယ်ခြင်းကို ဖြေဖျောက်ပေးပြီး ဝမ်းဗိုက်ရှိ အဆီပိုများကိုလည်း ဖယ်ရှားပေးပါတယ်။ ဆရာဝန်တွေရဲ့ အကြံပြုချက်အရ နှလုံးကျန်းမာရေးကောင်းရန်နှင့် နှလုံးသွေးလှည့်ပတ်မှု ကောင်းမွန်ရန်အတွက် တစ်ပတ်လျှင် နှစ်ကြိမ်ခန့် စက်ဘီးစီးရန် လိုအပ်ကြောင်း အကြံပေးထားပါတယ်။

လေ့ကျင့်ခန်း (၃)

စကီ ကျန်းမာရေး

တတိယမြောက် လေ့ကျင့်ခန်းကတော့ ယောဂလေ့ကျင့်ခန်းပဲ ဖြစ်ပါတယ်။ ယောဂလေ့ကျင့်ခန်းများသည် ခန္ဓာကိုယ်အတွက်သာမက စိတ်ဝိညာဥ်အတွက်လည်း အထူးကောင်းမွန်တဲ့ လေ့ကျင့်ခန်းအမျိုးအစားတစ်ခု ဖြစ်ပါတယ်။ ယောဂလေ့ကျင့်ခန်း ပြုလုပ်ခြင်းအားဖြင့် ကွီးတို့ရဲ့ အစာအိမ် ကျန်းမာရေးကိုလည်း မြင့်တင်ပေးနိုင်ပါတယ်။ တစ်ခုသတိထားရမယ့်အချက်ကတော့ ယောဂပို့စ်များကို မှန်မှန်ကန်ကန် ပြုလုပ်ပေးဖို့ပဲဖြစ်ပါတယ်။

လေ့ကျင့်ခန်း (၄)

exercise

အိပ်ထမတင် လေ့ကျင့်ခန်းများသည်လည်း ကွီးတို့ရဲ့ ဝမ်းဗိုက်ကြွက်သားများအတွက် အထူးကောင်းမွန်စေပြီး အစာအိမ်ထဲတွင် လေများပြည့်နေခြင်းမှလည်း ကာကွယ်ပေးပါတယ်။ အိပ်ထမတင် လေ့ကျင့်ခန်းကိုမှ အမျိုးအစားပြောင်းကာ ပြုလုပ်ပေးသင့်ပါတယ်။ တစ်ပတ်လျှင် ၄ ရက် (သို့) ၅ ရက်ခန့် ဆော့ကစားသင့်ပြီး လေ့ကျင့်ခန်းတစ်ခုစီကို ၈ ကြိမ်မှ ၁၀ ကြိမ်အထိ ပြုလုပ်ပေးနိုင်ပါတယ်။ ဒီလေ့ကျင့်ခန်း ပြုလုပ်မယ်ဆိုရင် သတိထားရမယ့်အချက်ကတော့ အစား စားပြီးပြီးချင်း ပြုလုပ်ခြင်းမှ ရှောင်ကြဥ်ရမှာပဲဖြစ်ပါတယ်။

လေ့ကျင့်ခန်း (၅)

exercise

Source: Menshealth

ဒီလေ့ကျင့်ခန်းအမျိုးအစားကိုတော့ Glute Bridge လေ့ကျင့်ခန်းလို့ အမည်ခေါ်တွင်နိုင်ပါတယ်။ သူ့မှာ လေ့ကျင့်ခန်းမျိုးကွဲ အမျိုးမျိုးရှိတဲ့အနက် ကွီးတို့အနေနဲ့ လေ့ကျင့်ခန်း (၃) မျိုးလောက် ပြုလုပ်ပေးရင် လုံလောက်ပါပြီ။ ဒီလေ့ကျင့်ခန်းအမျိုးအစားများသည် ကွီးတို့ကို သက်လုံကောင်းစေပြီး ခန္ဓာကိုယ် အောက်ပိုင်းကြွက်သားများကိုလည်း သန်မာတောင့်တင်းစေပါတယ်။

Source: Iwebmd

Featured Image: Freepik