ကွီးတို့ရေ စူပါမန်းလို သန်မာဖို့အတွက် စူပါ လေ့ကျင့်ခန်း တွေ လုပ်ရမယ်လို့ ထင်ပါသလား။

နိုးပါ…ရိုးရိုးလေ့ကျင့်ခန်းတွေကို ပုံမှန်ပြုလုပ်ပေးရုံမျှဖြင့် စူပါမန်းလို သန်မာလာမှာပဲဖြစ်ပါတယ်။ ဒါပေမဲ့ ကိုယ့်ဘက်က မပျက်မကွက် ပြုလုပ်မယ်ဆိုတဲ့ ဇွဲမျိုး ရှိဖို့ လိုအပ်ပြီး အဆီတက်စေမယ့် အစားအစာများကို ရှောင်ကြဥ်ဖို့ လိုအပ်ပါတယ်။ ဒါမှသာလျှင် အဆီပိုတွေ ကင်းဝေးပြီး ဗိုက်ရွှဲရွှဲ ဘီးကျဲကြီးဘဝကို မရောက်ရှိမှာဖြစ်ပါတယ်။ ကွီးတို့လည်း ဗိုက်ရွှဲရွှဲ ဘီးကျဲကြီးထက် စူပါမန်းလို မာဆယ်အပြည့်နဲ့ ဘဲတစ်ဗွေ ဖြစ်ချင်ကြတာမဟုတ်လား။

ဒါဆိုရင်တော့ အခုဖော်ပြပေးမယ့် လေ့ကျင့်ခန်းများကို ပုံမှန် ပြုလုပ်ပေးလိုက်ပါ။

လေ့ကျင့်ခန်း (၁)

Source: Gfycat

ခြေထောက်နှစ်ဖက်ကို ပုခုံးအကျယ်ထက် အနည်းငယ် ချဲထားပါ။ လက်နှစ်ဖက်က အလေးပြား ကိုင်ထားပါ။ ထို့နောက် တင်ပါးကို နောက်ပစ်ပြီး Squat ထိုင်ကာ လက်နှစ်ဖက်က အရှေ့သို့ ဆန့်တန်းလိုက်ပါ။ ထို့နောက် မူလအနေအထားအတိုင်း ပြန်နေပါ။

လေ့ကျင့်ခန်း (၂)

Source: Healthline

ခန္ဓာကိုယ်ကို ဗွီပုံသဏ္ဍာန်ပြုလုပ်ကာ လက်နှစ်ဖက်ကို အပေါ်တင်လိုက် အောက်ချလိုက်ဖြင့် ပုံပါအတိုင်း ပြုလုပ်ပေးရမှာဖြစ်ပါတယ်။ ဒီလေ့ကျင့်ခန်းကတော့ ဗိုက်က မာဆယ်တွေကို တောင့်တင်းသန်မာလာစေမှာ ဖြစ်ပါတယ်။

လေ့ကျင့်ခန်း (၃)

Source: Healthline

ဒူးနှစ်ဖက်ကို အပေါ်သို့ စုံလိုက် ကွေးကာ မြှောက်ထားရပါမယ်။ ထို့နောက် လက်နှစ်ဖက်က ကြမ်းပြင်နဲ့အညီ မျဥ်းပြိုင်ပုံသဏ္ဍာန် ဆန့်တန်းလိုက်ပါ။ ထို့နောက် ကွေးထားတဲ့ဒူးကို တဖြောင့်တည်းဖြစ်သွားအောင် ဆန့်တန်းလိုက်ပါ။ ထို့နောက် မူလအနေအထားအတိုင်း ပြန်နေပါ။ ဒါဆိုရင်တော့ တစ်ကြိမ် ပြည့်သွားပါပြီ။

လေ့ကျင့်ခန်း (၄)

Source: Healthline

Plank ထောက်မယ့် အနေအထားအတိုင်း အသင့်ပြင်ထားပါ။ ထို့နောက် ပုံပါအတိုင်း ခြေထောက်ကို အရှေ့တိုးလိုက် အနောက်ဆုတ်လိုက်ဖြင့် တစ်လှည့်စီ ပြုလုပ်ပေးရပါမယ်။

လေ့ကျင့်ခန်း (၅)

Source: Menshealth

ဒီလေ့ကျင့်ခန်းလေးကတော့ ကွီးတို့ရဲ့ ခန္ဓာကိုယ်တစ်ခုလုံးရှိ အဆီပိုများကို ဖယ်ရှားပေးဖို့ ကူညီပေးမှာပဲဖြစ်ပါတယ်။

လေ့ကျင့်ခန်း (၆)

Source: Tenor

စူပါ မန်းလို သန်မာလာအောင် ကူညီပေးမယ့် နောက်ထပ် လေ့ကျင့်ခန်း တစ်ခုကတော့ Triceps Workout Push Ups ပဲဖြစ်ပါတယ်။ လက်နှစ်ဖက်ကို ပုံပါအတိုင်း ယှက်ထားပြီး လေ့ကျင့်ခန်း ပြုလုပ်ရမှာဖြစ်ပါတယ်။

အထက်ဖော်ပြပါ လေ့ကျင့်ခန်းများအားလုံးကို ၁၅ ကြိမ်၊ ၄ ကျော့စီ ပြုလုပ်ပေးရမှာ ဖြစ်ပါတယ်။

Featured Image: Freepik