ရှော်တီလေးတွေ ကြွေသွားလောက်မယ့် ဘော်ဒီ အချိုးအစားမျိုး ပိုင်ဆိုင် ချင်တာ ကွီးတို့လား။ ဒါဆိုရင်တော့ အခုဖော်ပြပေးမယ့် လေ့ကျင့်ခန်းများကို မပျင်းမရိနဲ့ သေချာ အချိန်ပေးပြီး ပြုလုပ်ဖို့ လိုအပ်ပါတယ်။ အပျင်းတစ်ပြီး လေ့ကျင့်ခန်း မလုပ်ဘူးဆိုရင်တော့ ကျန်းမာရေးနဲ့ မညီညွှတ်တဲ့ ခန္ဓာကိုယ်မျိုးကိုသာ ရရှိမှာဖြစ်ပြီး ရှော်တီလေးတွေကလည်း သမင် လည်ပြန် ငေးတော့မှာ မဟုတ်ပါဘူး။

ရှော်တီလေးတွေ သမင်လည်ပြန် ငေးစေချင်တယ်ဆိုရင် အခုဖော်ပြပေးမယ့် လေ့ကျင့်ခန်းများကို ကွီးတို့ရဲ့ ဘော်ဒီ အချိုးအစားကို ထိန်းကာ ဟောလိဝုဒ် မင်းသားတွေလို ကွီးအချင်းချင်းတောင် ကြွေရလောက်တဲ့ ခန္ဓာကိုယ်မျိုးကို ပိုင်ဆိုင် လိုက်ပါ။

လေ့ကျင့်ခန်း (၁)

Pull-Ups လေ့ကျင့်ခန်းက ခန္ဓာကိုယ်အပေါ်ပိုင်းအတွက် အကောင်းဆုံးသော လေ့ကျင့်ခန်းတစ်ခုပါ။ ကျော၊ လက်၊ ရင်ဘတ်နှင့် ပခုံးများကဲ့သို့ ခန္ဓာကိုယ်အပေါ်ပိုင်း ကြွက်သားအားလုံးကို ထိရောက်စေပါတယ်။ ခန္ဓာကိုယ်အပေါ်ပိုင်း ကြွက်သားများ သန်မာစေဖို့ ကွီးတို့ လေ့ကျင်ခန်းတွေထဲမှာ ထည့်သွင်းသင့်တဲ့ လေ့ကျင့်ခန်းတစ်ခုလည်း ဖြစ်ပါတယ်။

လေ့ကျင့်ခန်း (၂)

Squats လေ့ကျင့်ခန်းတွေက ခန္ဓာကိုယ်အောက်ပိုင်းနဲ့ ခြေထောက်ကြွက်သားများ (တံကောက်ကြောများ နှင့် ခြေသလုံးကြွက်သားများ) ကိုတည်ဆောက်ရန် ထိရောက်သော လေ့ကျင့်ခန်းဖြစ်တာကြောင့် ကွီးတို့ရဲ့ နေ့စဉ်လေ့ကျင့်ခန်းတွေထဲမှာ မပါမဖြစ် ထည့်သွင်းသင့်တဲ့ လေ့ကျင့်ခန်းပဲ ဖြစ်ပါတယ်။ ဒါ့အပြင် ခန္ဓာကိုယ်အနှံ့ ကြွက်သားတည်ဆောက်မှုကို မြှင့်တင်ပေးပြီး ကြွက်သားထုထည်ကို တိုးတက်စေပါတယ်။  ဒီလေ့ကျင့်ခန်းကိုလည်း ၈ ကြိမ်မှ ၁၂ ကြိမ်ခန့် ပြုလုပ်ပေးပါ။

လေ့ကျင့်ခန်း (၃)

အရင်ဦးဆုံး ခြေထောက်နှစ်ဖက်ကို ကားထားပါ။ ထို့နောက် လက်နှစ်ဖက်ကို ကြမ်းပြင်ပေါ်မှာ ထောက်ထားလိုက်ပါ။ ပြီးသွားတဲ့အခါ ဟိုဘက်ထောက်လိုက် ဒီဘက်ထောက်လိုက်ဖြင့် တစ်လှည့်စီ ပြုလုပ်ရမှာပဲ ဖြစ်ပါတယ်။ စုစုပေါင်း အကြိမ် ၂၀ ပြုလုပ်ပါ။ ဒီလေ့ကျင့်ခန်းရဲ့ နာမည်ကတော့ Baboon Jump ပဲဖြစ်ပါတယ်။

လေ့ကျင့်ခန်း (၄)

လေ့ကျင့်ခန်းပြုလုပ်တဲ့ ခုံစောင်းပေါ်တွင် လှဲလျောင်းကာ လက်နှစ်ဖက်က အလေးတုံးကို ကိုင်ထားလိုက်ပါ။ ထို့နောက် အလေးတုံးကို ရင်အုပ်ကြွက်သားရဲ့ ညှစ်အားကို အသုံးပြုကာ မလိုက်၊ ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။  ဒီလေ့ကျင့်ခန်းကိုတော့ ၈ ကြိမ်မှ ၁၀ ကြိမ်၊ ၃ ကျော့စီ ပြုလုပ်ရမှာပဲ ဖြစ်ပါတယ်။

လေ့ကျင့်ခန်း (၅)

ဒီလေ့ကျင့်ခန်းကတော့ Romanian Deadlift ဖြစ်ပါတယ်။ ပုံပါအတိုင်း အလေးတန်းကို အပေါ်မြှောက်လိုက်၊ ပြန်ချလိုက်ဖြင့် တစ်လှည့်စီ ပြုလုပ်ပေးလိုက်ပါ။ စုစုပေါင်း ၁၅ ကြိမ်၊ ၃ ကျော့မှ ၄ ကျော့အထိ ပြုလုပ်နိုင်ပါတယ်။

ကွီးတို့ရော ကိုယ့်ရဲ့ ခန္ဓာကိုယ် အချိုးအစားကို ပြောင်းလဲပစ်ဖို့ စိတ်အားထက်သန်ရဲ့လား။

Source: Menshealth

Featured Image: Realmenrealstyle