Cardio ဆိုတာက နှလုံးသွေးကြောဆိုင်ရာ လေ့ကျင့်ခန်းများ သို့မဟုတ် နှလုံးခုန်နှုန်းကို မြှင့်တင်ပေးသည့် လေ့ကျင့်ခန်းများ ဖြစ်ပါတယ်။ Cardio လေ့ကျင့်ခန်းများသည် ကိုယ်အလေးချိန်ကို ထိန်းထားလိုသူများ သို့မဟုတ် ကျန်းမာစွာနေလိုသူများအတွက် တကယ်ကို အကျိုးပြုပါတယ်။ Gym သွားစရာမလိုဘဲ ကွီးတို့အိမ်မှာပဲ လုပ်လို့ရတဲ့ ရိုးရှင်းတဲ့ Cardio လေ့ကျင့်ခန်းများ ကိုဝေမျှပေးချင်ပါတယ်။

လေ့ကျင့်ခန်း (၁) ကြိုးခုန်ခြင်း

 

Photo : Ingenio Virtual

အိမ်မှာပဲ လုပ်လို့ရတဲ့ ရိုးရှင်းတဲ့ Cardio လေ့ကျင့်ခန်း တစ်ခုကတော့ ကြိုးခုန်ခြင်း ဖြစ်ပါတယ်။ ကြိုးခုန်ခြင်းက လက်မောင်းကြွက်သားများသာမက ဝမ်းဗိုက်ကြွက်သားများကိုလည်း အသုံးပြုရသောကြောင့် ထိရောက်သော Cardio လေ့ကျင့်ခန်းတစ်ခု ဖြစ်ပါတယ်။ ဒါ့အပြင် ကြိုးခုန်ခြင်း က ကွီးတို့ရဲ့ ခြေသလုံးကြွက်သားများကို သန်မာစေပြီး အရွတ်များနှင့် တွယ်ဆက်တစ်သျှူးများရဲ့ ပျော့ပျောင်းမှုကို တိုးတက်စေပါတယ်။ ကွီးတို့အနေနဲ့ ကြိုးခုန်ခြင်း တာကို လုပ်မယ်ဆိုရင်

၁။ ကြိုးကို ညင်သာစွာ ဆုပ်ကိုင်ပါ။
၂။ ကွီးတို့ရဲ့ ပခုံးတွေကို ဖြေလျှော့ပြီး တံတောင်ဆစ်တွေကို ခန္ဓာကိုယ်နဲ့ နီးကပ်အောင်ထားပါ။
၃။ စတင်ပြီး ခုန်တဲ့အခါ ဒူးကို ညင်သာစွာ ကွေးပါ။
၄။ လက်ကောက်ဝတ်မှ ကြိုးကို လှည့်ပြီး ကြိုးပေါ်မှ ဖြတ်သွားစဉ် ချောမွေ့သော အကွေးကို ထားရှိပါ။
၅၊ ဒူးနှင့် ခြေချင်းဝတ်များအပေါ် ထိခိုက်မှုလျှော့ချရန် နိမ့်ခုန်ပါ။

ကြိုးခုန်ခြင်းကို တစ်နေ့လျှင် ၁၅ မိနစ်ခန့် လုပ်ရုဲနဲ့ လုံလောက်တယ်လို့ အကြံပြုထားပါတယ်။

လေ့ကျင့်ခန်း (၂) Jumping Jack

Photo : Pinterest

ဒီလေ့ကျင့်ခန်းကလည်း ခုန်ရတဲ့ လေ့ကျင့်ခန်း ဖြစ်တဲ့အတွက် ကွီးတို့ရဲ့ ခန္ဓာကိုယ် တစ်ခုလုံးအပေါ် သက်ရောက်တဲ့အပြင် နှလုံး၊ အဆုတ်နှင့် ကြွက်သားများကိုလည်း အားကောင်းစေပါတယ်။ ဒီလေ့ကျင့်ခန်းကို လုပ်မယ်ဆိုရင်

၁။ ပထမဦးစွာ မတ်တပ်ရပ်ပြီး လက်နှစ်ဖက်ကို ဘေးနှစ်ဖက်ကိုဖြန့်ကာ ခြေထောက်များကို ကျယ်အောင်ခွဲထားပါ။
၂။ ထို့နောက် လက်များကိုပါဆန့်ထုတ်ပြီး ခုန်ပါ၊ ခုန်ပြီးနောက် လက်နှစ်ဖက်ကို ခန္ဓာကိုယ်မှာ ပြန်ကပ်အပြီး ခြေထောက်များကိုလည်း ပြန်ချပါ။
၃။ ထိုကဲ့သို့ ၁၅ မိနစ်ခန့် အကြိမ်ကြိမ်ခုန်ပါ။

လေ့ကျင့်ခန်း (၃) Squat Jumps

Photo : Hit Academy

နောက်ထပ်ဖော်ပြချင်တဲ့ ရိုးရှင်းတဲ့ Cardio လေ့ကျင့်ခန်း တစ်ခုကတော့ Squat Jumps ပဲဖြစ်ပါတယ်။ Squat Jumps က ပုံမှန် Squat ကဲ့သို့ တူညီသော လှုပ်ရှားမှုများ ပါ၀င်ပြီး ခုန်တဲ့ အဆင့်ထပ်တိုး ပါဝင်ပါတယ်။ Squat Jump သည် တင်ပါး၊ ပေါင်နှင့် တံကောက်ကြောများကို ဦးတည်သော လေ့ကျင့်ခန်းဖြစ်ပါတယ်။ ဒါ့အပြင် ဒူး၊ တင်ပါးနှင့် ခြေကျင်းဝတ်အဆစ်များကိုလည်း ပျော့ပျောင်းစေပါတယ်။ ဒီလေ့ကျင့်ခန်းကို လုပ်မယ်ဆိုရင်

၁။ အရင်ဆုံး ခြေထောက်နှစ်ဖက်ကို ခွာပြီး လက်နှစ်ဖက်ကို ခန္ဓာကိုယ်အနှံ့ မတ်တပ်ရပ်ပါ။
၂။ ဒူးများကို ၉၀ ဒီဂရီ ထောင့်ရောက်သည်အထိ ထိုင်ချလိုက်ပြီး လက်နှစ်ဖက်ကို နောက်သို့လှန်ပါ။
၃။ လက်နှစ်ဖက်ကို ရှေ့သို့လွှဲကာ ခုန်ပါ။
၄။ အစအနေအထားသို့ ပြန်သွားပြီး လေ့ကျင့်ခန်းကို ပြန်စပါ။

Source : Medical News Today

Featured Photo : Times of India