တစ်နေ့တစ်ခြား ဝလာတယ်ဆိုတာဟာ ကြွက်သားအပေါ်ယံလွှာမှာ အဆီတွေဖုံးလာခြင်းကြောင့် ဖြစ်ပါတယ်။ ဒီလို အဆီဖုံးနေတဲ့ ပျော့ဖက်ဖက် ခန္ဓာကိုယ်ဖြစ်လာရခြင်းဟာ နေထိုင်မှုပုံစံ မမှန်တာ ၊ လှုပ်လှုပ်ရှားရှား မနေတာနဲ့ အစားအသောက် ထိန်းသိမ်းမှုမရှိတာတွေက အဓိက တရားခံတွေပါ။ ကွီးတို့အနေနဲ့ အဆီကျပြီး ကြွက်သားကျစ်ကျစ်လစ်လစ်ရှိတဲ့ ဘော်ဒီမျိုး ပြန်လည်ပုံသွင်းချင်တယ်ဆိုရင်တော့ အခုပြောပြမယ့် ဝိတ်ကျဖို့ ထိရောက်လျင်မြန်တဲ့ လေ့ကျင့်ခန်း တွေကို လုပ်ဆောင်ဖို့ လိုပါမယ်။

(၁) Pull Ups

Photo : Muscle & Fitness

Pull Ups ဆိုတာကတော့ ဘားဆွဲတဲ့ လေ့ကျင့်ခန်းလို့ အလွယ်ပြောလို့ ရပါတယ်။ အဓိကအားဖြင့် ခန္ဓာကိုယ်အပေါ်ဘက် အစိတ်ပိုင်းတွေ ဖြစ်တဲ့ လက်မောင်း ၊ ပခုံးနဲ့ နောက်ကျောက အဆီတွေကို လောင်ကျွမ်းစေပြီး ကြွက်သား ကျစ်လစ်သန်မာစေပါတယ်။ ရင်အုပ်ကျယ်ကျယ် ဗလတောင့်တဲ့ ဘော်ဒီမျိုး ရချင်ရင်တော့ Pull Ups လေ့ကျင့်ခန်း ကိုလုပ်ဆောင်ဖို့ လိုပါတယ်။

(၂) Abdominal Twist

Photo : HubPages

Abdominal Twist ကတော့ ဝမ်းဗိုက်ကြွက်သားတွေကို ပစ်မှတ်ထားတဲ့ လေ့ကျင့်ခန်းတစ်ခုပါ။ ဝမ်းဗိုက်နဲ့ နံစောင်းဘေးဘက် တဝိုက်က အဆီတွေကို လောင်ကျွမ်းစေပြီး ဝမ်းဗိုက်ကြွက်သားကို ကျစ်လစ်သန်မာလာစေမှာ ဖြစ်ပါတယ်။ Abdominal Twist လေ့ကျင့်ခန်းကို ကိရိ ယာလွတ် ကစားနိုင်သလို ပေါ့ပါးတဲ့ ဝိတ်တုံးတွေနဲ့လည်း ကစားနိုင်ပါတယ်။

(၃) Walking Lunges

Photo : Esquire

ကယ်လိုရီ လောင်ကျွမ်းမှုများပြီး ခန္ဓာကိုယ်အောက်ပိုင်းကြွက်သားတွေကို ဟန်ချက်ထိန်းညှိပေးမယ့် လေ့ကျင့်ခန်းကတော့ Walking Lunges ပဲ ဖြစ်ပါတယ်။ ဒီလေ့ကျင့်ခန်းကလည်း ကိရိယာလွတ်ကစားနိုင်သလို Dumbbell အလေးတုံးတွေနဲ့လည်း ဆော့ကစားလို့ ရပါတယ်။ ပေါင် ၊ တင်ပါး နဲ့ ခြေသလုံးမှာရှိတဲ့ အဆီတွေကို လောင်ကျွမ်းစေပြီး အောက်ပိုင်းကို တောင့်တင်းကြံ့ခိုင်အောင် ကူညီပေးပါတယ်။

(၄) Planks

Photo : Steel Supplements

Plank ထောက် လေ့ကျင့်ခန်းက ဝမ်းဗိုက်အဆီနဲ့ ပခုံး ၊ နောက်ကျောကြွက်သားတွေကိုသန်မာစေမယ့် အကောင်းဆုံး လေ့ကျင့်ခန်းဖြစ်ပါတယ်။ Plank လေ့ကျင့်ခန်းက ကယ်လိုရီများများ လောင်ကျွမ်းစေရုံမက ခန္ဓာကိုယ် ကိုယ်ဟန်အနေအထား ဟန်ချက်ကိုလည်း ထိန်းထားပေးပါတယ်။ ဘာအကူကိရိယာမှ မလိုပဲ အလွယ်ကူဆုံး ပြုလုပ်နိုင်တဲ့ အထိရောက်ဆုံး လေ့ကျင့်ခန်း တစ်ခုဖြစ်ပါတယ်။

Featured Photo : Men’s Health