နောက်ကျောကြွက်သားတွေ အမြှောင်းမြှောင်း ထ,ဖို့အတွက် ဝိတ် မ,စရာ မလိုပါဘူး။ ဝိတ် မ,စရာ မလိုဘဲ Back Muscle တွေ တက်လာအောင် လုပ်နိုင်တဲ့ နည်းလမ်းတွေ အများကြီး ရှိပါတယ်။ ဒီထဲက တချို့အကြောင်း အောက်မှာ ဖော်ပြလိုက်ပါတယ်။

(၁) Pull-Ups

သင့်ဝိတ်ကို ခံနိုင်ရည်ရှိတဲ့ တန်းတစ်ခု ရှိရင် တန်းခို Pull-Ups ကစားနိုင်ပါတယ်။ Gym မသွားချင်ရင် ကိုယ့်အိမ်ထဲက တန်းမှာတင် အားကစားလုပ်နိုင်သလို အများသူငါ ကစားနေတဲ့ အားကစားကွင်းထဲမှာ ရှိတဲ့ Monkey Bars တွေ သုံးပြီး Pull-Ups လုပ်နိုင်ပါတယ်။

(၂) Australian Pull-Ups

ဒီလေ့ကျင့်ခန်းကတော့ အပေါ်နဲ့ ပြောင်းပြန်ဆန်မယ် ထင်ပါတယ်။ ပုံမှန် Bar တန်းတွေအောက် တိုက်ရိုက် တွဲလောင်းခိုပြီး ကိုယ်ကို မ,တင်တာမျိုး မလုပ်ဘဲ Video မှာ ပြထားတဲ့ အတိုင်း ပက်လက်လှန် Inverted Pull-Ups စတိုင်နဲ့ ကိုယ်ကို ပြန်ဆွဲတင်ရတာ ဖြစ်ပါတယ်။

(၃) Back Extensions

Back Extensions ကစားတာက နောက်ကျောနဲ့ တင်ပါးကြွက်သားတွေကို အဓိက Target ထားပြီး လှုပ်ရှားမှု လုပ်တာပါ။ ဒီလေ့ကျင့်ခန်း လုပ်ဖို့အတွက် မြက်ခင်းလို နေရာမျိုးမှာ မျက်နှာကို မှောက်လျက်သား လှဲချထားပြီး လက်နှစ်ဖက် ၊ ခြေနှစ်ဖက်ကို ဖြည်းဖြည်းချင်း မြှောက်ဆန့်ရတာ ဖြစ်ပါတယ်။ ရှင်းသွားအောင် ဗွီဒီယိုဖိုင်ကို ကြည့်ပြီး လုပ်ဆောင်နိုင်ပါတယ်။

(၄) Cranes (Bodyweight Deadlift)

အခု လေ့ကျင့်ခန်းက ဟန်ချက်မျှမှုကို အဓိက ထားပြီး Body Workout ကစားတာပါ။ နောက်ပိုင်းကြွက်သားအားလုံးကို အလုပ်ပေးတဲ့ လေ့ကျင့်ခန်းဖြစ်ပြီး လုပ်ရတာလည်း သိပ်လွယ်ပါတယ်။ ခြေစုံရပ်လျက်သား အနေအထားကနေ ခြေတစ်ဖက်ကို နောက်လှန် ၊ အောက်ဆန့်ထားတဲ့ လက်နှစ်ဖက်ကို အကြောလျှော့သလို မြေပြင်ကို သွားထိရမှာ ဖြစ်ပါတယ်။

Featured Photo : ManOfMany