လူတစ်ယောက်ရဲ့ အရပ်ရှည်ခြင်း မရှည်ခြင်းသည် သူ့ရဲ့ DNA ၊ ဟော်မုန်းနှင့် လိင်အမျိုးအစားပေါ်မူတည်ပြီး ကွဲပြားသွားပါတယ်။ ဒါ့အပြင် မိမိစားသောက်တဲ့ အစားအစာများ၊ အာဟာရဓာတ်များ၊ လေ့ကျင့်ခန်းပြုလုပ်ခြင်းတို့အပေါ် မူတည်ပြီးလည်း အရပ်ရှည်ခြင်းသည် ပြောင်းလဲသွားတတ်ပါတယ်။ ကွီးတို့အနေနဲ့ အသက် ၁၈ ကျော်လာတာတောင်မှ အရပ်ရှည် ဖို့ ကြိုးစားချင်သေးတယ်ဆိုရင်တော့ လေ့ကျင့်ခန်း များ ပြုလုပ်ပြီး ကြိုးစားနိုင်ပါသေးတယ်။

ကွီးတို့ အရပ်ရှည် ဖို့အတွက် အကူအညီပေးမယ့် လေ့ကျင့်ခန်း များကတော့ …

လေ့ကျင့်ခန်း (၁)

Source: Spiral Health

အရင်ဦးဆုံး ကြမ်းပြင်ပေါ်မှာ လှဲလျောင်းနေပါ။ ဒူးနှစ်ဖက်ကို ထောင်ထားပါ။ ဒူးနှစ်ဖက်ကြားထဲမှာ ခေါင်းအုံးတစ်လုံး ညှပ်ထားရင်လည်း အဆင်ပြေသလို မညှပ်ထားလည်း ရပါတယ်။ ထို့နောက် တင်ပါးကို အပေါ်သို့ ကြွလိုက်ပါ။ ထိုအနေအထားအတိုင်း စက္ကန့် ၃၀ ခန့် တောင့်ထားလိုက်ပါ။ ထို့နောက် ထိုပုံစံအတိုင်း နောက်ထပ် ၁၅ ကြိမ်ခန့် ပြုလုပ်ပေးလိုက်ပါ။

လေ့ကျင့်ခန်း (၂)

Source: Gifer

ဒီလေ့ကျင့်ခန်းလေးကတော့ ခြေထောက်တစ်ဖက်ကို ထောက်ထားကာ ခုန်ရမယ့် လေ့ကျင့်ခန်းပဲဖြစ်ပါတယ်။ ဘယ်ဘက်ကို ၁၀ ကြိမ်၊ ညာဘက်ကို ၁၀ ကြိမ် ပြုလုပ်ရမှာပဲ ဖြစ်ပါတယ်။

လေ့ကျင့်ခန်း (၃)

Source: 24Life

ဒီလေ့ကျင့်ခန်းလေးကတော့ Child Pose လို့ ခေါ်တဲ့ လေ့ကျင့်ခန်းလေးပဲဖြစ်ပါတယ်။ ဒူးနှစ်ဖက်ပေါ်မှာ ကွေးပြီး ထိုင်ကာ လက်နှစ်ဖက်ကို အရှေ့သို့ ဆန့်တန်းရမှာဖြစ်ပါတယ်။ အသက်ကို မှန်မှန်ရှူဖို့လည်း လိုအပ်ပါတယ်။ ၁ မိနစ်ခန့် ပြုလုပ်ပေးဖို့ လိုအပ်ပါလိမ့်မယ်။

လေ့ကျင့်ခန်း (၄)

Source: Blog.decathlon

ဒီလေ့ကျင့်ခန်းကတော့ ကြမ်းပြင်ပေါ်မှာ လှဲလျောင်းနေကာ ခန္ဓာကိုယ်ကို တစောင်းလှည့်ထားရမယ့် လေ့ကျင့်ခန်းပဲဖြစ်ပါတယ်။ အရင်ဦးဆုံး ခန္ဓာကိုယ်ကို ကြမ်းပြင်ပေါ်မှာ လှဲလျောင်းနေလိုက်ပါ။ ထို့နောက် ဦးခေါင်းကို တစ်ဖက်သို့ လှည့်နေကာ ပေါင်တစ်ဖက်ကို အခြားတစ်ဖက်သို့ ကွေးထားလိုက်ပါ။ ခန္ဓာကိုယ်ကို တတ်နိုင်သမျှ အကြောဆန့်ရမှာဖြစ်ပြီး အသက်ရှူသွင်း ရှူထုတ်ပြုလုပ်ခြင်းကို အာရုံစိုက်ထားလိုက်ပါ။ ၁ မိနစ်ခန့် ပြည့်ပါက ခန္ဓာကိုယ်ကို ဘက်ပြောင်းကာ ပြုလုပ်ရမှာပဲဖြစ်ပါတယ်။

လေ့ကျင့်ခန်း (၅)

လမ်းလျှောက်လေ့ကျင့်ခန်းသည်လည်း ကွီးတို့ကို အရပ်ရှည် အောင် ကူညီပေးမယ့် လေ့ကျင့်ခန်းတစ်ခုပဲဖြစ်ပါတယ်။ ပုံမှန်လမ်းလျှောက်တဲ့ နှုန်းထက် ခပ်သွက်သွက်လေး လမ်းလျှောက်ပေးရမှာပဲဖြစ်ပါတယ်။

လေ့ကျင့်ခန်း (၆)

ကြိုးခုန်လေ့ကျင့်ခန်းကိုလည်း ပြုလုပ်ပေးနိုင်ပါတယ်။ ဒီလေ့ကျင့်ခန်းသည်လည်း ကွီးတို့ရဲ့ ခြေထောက်အရိုးအဆစ်များကို သန်မာကာ ရှည်လျားလာအောင် ကူညီပေးနိုင်ပါတယ်။

လေ့ကျင့်ခန်း (၇)

Source: 24Life

ခြေထာက်နှစ်ဖက်ကို အကျယ်ကြီး ချဲထားလိုက်ပါ။ ထို့နောက် ခါးကုန်းကာ လက်နှစ်ဖက်က ကြမ်းပြင်ကို ထိကပ်ပေးလိုက်ပါ။ ထို့နောက် ခါးပြန်မတ်ထားလိုက်ပါ။ ထိုပုံစံအတိုင်း စက္ကန့် ၃၀ ခန့် ပြုလုပ်ပေးရမှာဖြစ်ပါတယ်။

အထက် ဖော်ပြပါ လေ့ကျင့်ခန်းများကို ပုံမှန်ပြုလုပ်ပေးနိုင်သလို ရေကူးလေ့ကျင့်ခန်းကိုလည်း တစ်ပတ်လည်း ၂ ကြိမ်၊ ၃ ကြိမ်ခန့် ပုံမှန်ပြုလုပ်ပေးမယ်ဆိုရင်တော့ ကွီးတို့ မျှော်လင့်ထားသလိုမျိုး အရပ်ရှည်ရှည် ဒေါင်ကောင်းကောင်းနဲ့ အမိုက်စားခန္ဓာကိုယ်ကို ပိုင်ဆိုင်ရမှာပဲဖြစ်ပါတယ်။

Source: Blog.decathlon

Featured Image: Menshealth