လက်မောင်းက ကြွက်သားများက ကျစ်ကျစ်လျစ်လျစ်နဲ့ ကြည့်ကောင်းနေပေမယ့် လက်ဖျံ ရှိ ကြွက်သား များက လက်မောင်းကြွက်သားများနှင့် မလိုက်ဖက်ဘဲ သေးကွေးပိန်လှီနေမယ်ဆိုရင်တော့ ကြည့်ကောင်းမှာမဟုတ်ပါဘူး။ ကိုယ့်ရဲ့ လက်ဖျံ ရှိ ကြွက်သား များကို လက်မောင်းကြွက်သားများနည်းတူ ကြီးထွားချင်တယ်ဆိုရင်တော့ အခုဖော်ပြပေးမယ့် လေ့ကျင့်ခန်းများကို ပြုလုပ်နိုင်ပါတယ်။
လေ့ကျင့်ခန်း (၁)
ဒီလေ့ကျင့်ခန်းကတော့ အလေးတန်း အသုံးပြုကာ ပြုလုပ်ရမယ့် လေ့ကျင့်ခန်းပဲ ဖြစ်ပါတယ်။
ပုံပါအတိုင်း အလေးတန်း ကိုင်ထားကာ အသင့်အနေအထားပြင်ပါ။ ထို့နောက် တံတောင်ကွေးပြီး အလေးတန်းကို မလိုက် ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၂ ကြိမ် ၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၂)
ဒီလေ့ကျင့်ခန်းကတော့ Cable အသုံးပြုကာ ပြုလုပ်ရမယ့် လေ့ကျင့်ခန်းပဲ ဖြစ်ပါတယ်။
အရင်ဦးဆုံး Cable ကြိုးကို အနောက်ကနေ ကိုင်ထားလိုက်ပါ။ ထို့နောက် အရှေ့သို့ လှမ်းဆွဲယူလိုက်ရပါမယ်။ ခြေထောက်နှစ်ဖက်ကိုလည်း အရှေ့ အနောက် ခြားထားရပါမယ်။
စုစုပေါင်း ၁၂ ကြိမ် ၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၃)
ခြေထောက်နှစ်ဖက်ကို အနည်းငယ် ချဲထားလိုက်ပါ။ ထို့နောက် အလေးတန်းကို ပေါင်အရှေ့မှာ ထားထားပြီး ကိုင်ထားလိုက်ပါ။ ထို့နောက် တံတောင် ကွေးပြီး အလေးတန်းကို ဆွဲမလိုက်ပါ။ ထိုနည်းအတိုင်း ကွေးလိုက် ဆန့်လိုက်ဖြင့် စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၄)
ဒီလေ့ကျင့်ခန်း ပြုလုပ်ဖို့ရန်အတွက် ခိုင်ခံ့သော ဘားတန်းနှင့် ပုဝါတစ်ထည် လိုအပ်ပါလိမ့်မယ်။ ထို့နောက် ပုဝါကို ဘားတန်းပေါ်မှာ တင်ထားပြီးနောက် လက်မောင်းကြွက်သားနှင့် လက်ဖျံ ကြွက်သား အသုံးပြုကာ ခန္ဓာကိုယ်ကို အလိုက်သင့်လေး ကြွလိုက်ပါ။
ထိုနည်းအတိုင်း စုစုပေါင်း ၁၂ ကြိမ် ၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၅)
ဒီလေ့ကျင့်ခန်း ပြုလုပ်ဖို့ရန်အတွက် အလေးတုံး နှစ်တုံးနှင့် ပုဝါ နှစ်ထည် လိုအပ်ပါလိမ့်မယ်။ ပုဝါ ကိုင်ထားပြီးနောက် အလေးတုံးကို ဆွဲမလိုက်ရပါမယ်။
ထို့နောက် မူလ အနေအထားအတိုင်း ပြန်ချထားလိုက်ပါ။ ထိုနည်းအတိုင်း စုစုပေါင်း ၁၂ ကြိမ် ၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၆)
ဒီလေ့ကျင့်ခန်းကလည်း ကွီးတို့ရဲ့ လက်ဖျံ ကြွက်သား များကို သန်မာလာအောင် ကူညီပေးပါလိမ့်မယ်။
အရင်ဦးဆုံး ဘားတန်းပေါ်မှာ တွဲလဲ ခိုနေပါ။ ထို့နောက် လက်ဖျံအား အသုံးပြုပြီး တံတောင်ကို ကွေးကာ ခန္ဓာကိုယ်ကို အပေါ်သို့ ကြွလိုက်ပါ။ ထို့နောက် တံတောင်ကို ပြန်လည် ဆန့်တန်းလိုက်ပါ။
ထိုနည်းအတိုင်း စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။
Source: Mensjournal
Featured Image: Gymjunkies
