ယောကျာ်း ပီသတဲ့ ခန္ဓာကိုယ် အချိုးအစားမျိုး မပိုင်ဆိုင်ချင်ဘူးလား

ဗလတောင့်တောင့်နဲ့ ယောကျာ်း ပီသတဲ့ ခန္ဓာကိုယ် အချိုးအစား ပိုင်ဆိုင်ရခြင်းသည် ယောကျာ်းသားတို့ရဲ့ အိပ်မက်ပဲ ဖြစ်ပါတယ်။ ယောကျာ်း ပီသတဲ့ ခန္ဓာကိုယ် မျိုး ပိုင်ဆိုင်ဖို့ဆိုရင် အစားအစာ ကြေး(ချေး)များနေလို့ မရပါဘူး။ အစားအစာများကို အာဟာရ သင့်တင့်မျှတစွာ စားသုံးရမယ့်အပြင် ကွီးတို့ရဲ့ ကြွက်သားများ တောင့်တင်းလာဖို့အတွက် လေ့ကျင့်ခန်း ပြုလုပ်ပေးဖို့ လိုအပ်ပါတယ်။

ပိန်ပိန်ပါးပါး ယောကျာ်းသားအဖြစ်ကနေ ဗလတောင့်တောင့် အားကောင်းမောင်းသန်နှင့် ယောကျာ်း ပီသတဲ့ ခန္ဓာကိုယ် အချိုးအစား ဖြစ်ဖို့ဆိုရင် အခုဖော်ပြပေးမယ့် လေ့ကျင့်ခန်းများကို ပြုလုပ်ရုံပါပဲ။

လေ့ကျင့်ခန်း (၁)

Source: Gfycat

ဒီလေ့ကျင့်ခန်းလေးရဲ့ နာမည်ကတော့ Sumo Squat ဖြစ်ပါတယ်။ ရိုးရိုး Squat လေ့ကျင့်ခန်းနဲ့ မတူတာကတော့ Sumo Squat ပြုလုပ်တဲ့အခါ ပေါင်နှစ်ဖက်ကို ချဲနိုင်သလောက် အကျယ်ကြီး ချဲထားရမှာ ဖြစ်ပါတယ်။ ထို့နောက် တင်ပါးကို နောက်ပစ်ကာ လေ့ကျင့်ခန်း ပြုလုပ်ရမှာဖြစ်ပါတယ်။ အလေးတုံး အသုံးပြုကာ လေ့ကျင့်ခန်း ပြုလုပ်နိုင်သလို အလေးတုံး မပါဘဲနဲ့လည်း လေ့ကျင့်ခန်း ပြုလုပ်နိုင်ပါတယ်။ စုစုပေါင်း ၁၅ ကြိမ်မှ ၂၀ ကြိမ်၊ ၃ ကြော့ ပြုလုပ်ရမှာဖြစ်ပါတယ်။

လေ့ကျင့်ခန်း (၂)

Source: Menshealth

ဒီလေ့ကျင့်ခန်းကတော့ ကွီးတို့ရဲ့ ခန္ဓာကိုယ် အပေါ်ပိုင်းရှိ ကြွက်သားများကို သန်မာလာစေမှာပဲ ဖြစ်ပါတယ်။ ပုံမှာပြထားတဲ့အခါ လက်မောင်းအားကို အသုံးပြုကာ လေ့ကျင့်ခန်း ပြုလုပ်ပေးရမှာဖြစ်ပါတယ်။ စုစုပေါင်း ၈ ကြိမ်မှ ၁၂ ကြိမ်၊ ၃ ကြော့ ပြုလုပ်ရမှာ ဖြစ်ပါတယ်။

လေ့ကျင့်ခန်း (၃)

Source: Tenor

လေ့ကျင့်ခန်း ပြုလုပ်ဖို့ရန်အတွက် အရင်ဦးဆုံး ခြေထောက်နှစ်ဖက်ကို အနည်းငယ် ချဲထားပါ။ ထို့နောက် အလေးတုံးနှစ်တုံးကို ပုံပါအတိုင်း တင်လိုက်၊ ချလိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၂ ကြိမ်မှ ၁၅ ကြိမ်၊ ၃ ကြော့ ပြုလုပ်ပေးရပါမယ်။

လေ့ကျင့်ခန်း (၄)

Source: Menshealth

လေ့ကျင့်ခန်း ပြုလုပ်တဲ့ခုံကို တစောင်းအနေအထား လှဲထားလိုက်ပါ။ ထို့နောက် ထိုခုံပေါ်မှာ ပက်လက်လှဲနေကာ အလေးတုံးနှစ်တုံးကို အပေါ်မြှောက်လိုက်၊ ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၂ ကြိမ်မှ ၁၅ ကြိမ်၊ ၃ ကြော့ ပြုလုပ်ပေးရပါမယ်။

လေ့ကျင့်ခန်း (၅)

Source: Menshealth

ခြေထောက်နှစ်ဖက်ကို အနည်းငယ် ချဲထားကာ အလေးတုံး နှစ်တုံးကို ဘေးတစ်ဖက်တစ်ချက်စီမှာ ကိုင်ထားလိုက်ပါ။ ထို့နောက် အလေးတုံးနှစ်တုံးကို ဘေးတစ်ဖက်တစ်ချက်ဆီသို့ ဆန့်ထုတ်ကာ လေ့ကျင့်ခန်း ပြုလုပ်ပေးလိုက်ပါ။

စုစုပေါင်း ၁၂ ကြိမ်မှ ၁၅ ကြိမ်၊ ၂ ကြော့ ပြုလုပ်ပေးလိုက်ပါ။

လေ့ကျင့်ခန်း (၆)

Source: Menshealth

ခန္ဓာကိုယ်ကို တစောင်းအနေအထား လှဲလျောင်းနေပါ။ ထို့နောက် ညာလက်ကို နားထင်နားမှာ ကိုင်ထားကာ ဒူးနှစ်ဖက်ကို စုံလိုက် ဆွဲမပြီး တံတောင်ကို ရင်ဘတ်ဆီသို့ ဆွဲယူလိုက်ပါ။ ထို့နောက် မူလအနေအထားအတိုင်း ပြန်နေပါ။ ထိုနည်းအတိုင်း ၂၅ ကြိမ် ပြုလုပ်ရပါမယ်။

၂၅ ကြိမ် ပြည့်ပါက ခန္ဓာကိုယ်ကို ဘက်ပြောင်းကာ နောက်ထပ် ၂၅ ကြိမ် ပြုလုပ်ရမှာပဲ ဖြစ်ပါတယ်။ ဒါဆိုရင်တော့ ၁ ကြော့ ပြည့်သွားပါပြီ။ နောက်ထပ် ၁ ကြော့ကျန်ပါလိမ့်မယ်။ စောစောကအတိုင်း ဘယ် ၂၅ ကြိမ်၊ ညာ ၂၅ ကြိမ် ပြုလုပ်ပေးလိုက်ပါ။

Source: Ironbullstrength

Featured Image: Freepik