Body Building လုပ်တော့မယ်ဆိုရင် အပေါ်ပိုင်း ရင်အုပ် ၊ လက်မောင်း ၊ ပုခုံးနဲ့ ဗိုက်ကြွက်သားလောက်ပဲ ပစ်မှတ်ထားလို့ မရပါဘူး။ အောက်ပိုင်းကြွက်သား တည်ဆောက်မှုပိုင်းမှာလည်း အလေးထားဖို့ အရေးကြီးပါတယ်။ ဒါကြောင့်ပဲ Gym Trainer တွေဟာ အောက်ပိုင်းကစားတဲ့ Leg Workout တွေကို သီးသန့်ထည့်သွင်းပြီး လေ့ကျင့်ပေးကြတာ ဖြစ်ပါတယ်။ ဒီလိုမျိုး အောက်ပိုင်းလေ့ကျင့်ခန်းတွေ ကစားပြီဆိုရင် ဦးစားပေးကစားကြတဲ့ Workout တွေအကြောင်းကို ဒီတစ်ခေါက် မျှဝေပေးချင်ပါတယ်။

(၁) Barbell Squats

Photo: thetrendspotter

Weight Bar နဲ့ Squat ကစားရတာ ဖြစ်ပါတယ်။ မတ်တပ်ရပ် အနေအထားနဲ့ ဝိတ်ပြားနှစ်တုံး တပ်ထားတဲ့ ဝိတ်တန်းကို ထမ်းပြီး ထိုင်/ထ လုပ်ရမှာ ဖြစ်ပါတယ်။ ဒီလေ့ကျင့်ခန်းက ပေါင် အရှေ့ နဲ့ အနောက် ကြွက်သားတွေအဓိက လှုပ်ရှားစေပါတယ်။

(၂) Dumbbell TKE Drop Lunge

Photo: thetrendspotter

Dumbbell တုံးတွေ တစ်ဖက်တစ်ချက် ကိုင်ပြီး မတ်တပ်ရပ်အနေအထားကနေ ခြေတစ်ချောင်းဆန့် ဒူးထောင် ၊ နောက်ခြေကို အလိုက်သင့် ထောင်လိုက်ကို ရွှေ့တာပါ ။ ပုံကို ကြည့်ပြီး လုပ်နိုင်ပါတယ်။

(၃) Weighted Adductor Goblet Squat

Photo: thetrendspotter

ဝိတ်ပြားခပ်ကြီးကြီးကို လက်နှစ်ဖက်နဲ့ ကိုင်ဆုပ်ထားပြီး ငုတ်တုပ်ထိုင်အနေအထားကနေ ခြေတစ်ချောင်းထောင် ၊ ဘေးတစ်ဖက်ကို တစ်ချောင်းဆန့် ရမှာ ဖြစ်ပါတယ်။ ဒီလေ့ကျင့်ခန်းက အတွင်းအပြင် ပေါင်ကြွက်သားတွေကို သန်စွမ်းကျန်းမာစေပါတယ်။

(၄) Hip Band Ladder Finish

Photo: thetrendspotter

ဒီလေ့ကျင့်ခန်းက Wight-Free လေ့ကျင့်ခန်းမျိုး ဖြစ်ပြီး Resistance Band တစ်ချောင်းပဲ လိုပါတယ်။ ခြေနှစ်ချောင်းခွဲ ၊ ကြိုးကို နင်းထားပြီး ပုံပါအတိုင်း ကြိုးထိပ်အစကို လက်နဲ့ ကိုင်ဆုပ်ထားရမှာပါ။ ပြီးမှ ဘယ်ခြေတစ်လှမ်းတက် ၊ ညာခြေတစ်လှမ်းတက်ပုံစံနဲ့ ဆက်သွားရမှာ ဖြစ်ပါတယ်။

(၅) Bulgarian High/Low Split Squats

Photo: thetrendspotter

Squat စတိုင် လေ့ကျင့်ခန်းဖြစ်ပြီး ဘော်ဒီဝိတ်နဲ့ပဲ Squat ထိုင်သွားတာပါ။ ခုံတန်း Bench တစ်လုံးကို နောက်ပြန်ခြေတစ်ချောင်းတင် ခြေတစ်ချောင်းကို ကြမ်းပေါ် ထောက်အနေအထားကနေ ထောက်ထားတဲ့ ခြေကို ကွေးညွှတ်ရပါတယ်။ ပေါင်အတွင်းအပြင် နဲ့ တင်သားတွေကြံ့ခိုင်စေပါတယ်။

Featured Photo : generation iron