အလုပ်ခွင်ဟာ လူတိုင်းအတွက် အချိန်အများဆုံး ကုန်ဆုံးရတဲ့နေရာတစ်ခု ဖြစ်ပါတယ်။ ဒါ့ကြောင့် လုပ်ငန်းခွင်မှာပျော်ရွှင်ရဖို့က ဘဝမှာ အောင်မြင်စေတဲ့ အဓိကအကျဆုံး အချင်းအရာပဲဖြစ်ပါတယ်။ ဒီတော့ လုပ်ငန်းခွင်မှာ နေ့စဉ်ပျော်ရွှင်နေစေဖို့ ဘယ်လိုအချက်တွေက အထောက်အပံ့ဖြစ်စေမလဲ။
တစ်ယောက်ရဲ့ ချို့ယွင်းချက်တွေကို လက်ခံနိုင်ရမယ်
Source: therecruiternetwork.com
ဝန်ထမ်းဆိုပေမယ့်လည်း အားလုံးကလူတွေပါပဲ။ လူတိုင်းမှာ ဘယ်လောက်ပဲ တော်နေတတ်နေပါစေ။ ချို့ယွင်းချက်ဆိုတာတော့ ရှိကြစမြဲပါပဲ။ အချင်းချင်း အလုပ်တွေ တွဲလုပ်နေကြတဲ့လူတွေအနေနဲ့ တစ်ဦးရဲ့ ချို့ယွင်းချက်တွေကို တစ်ဦးကအပြစ်မမြင်ဘဲ အချင်းချင်း နားလည်မှုတွေနဲ့ ဖြစ်တတ်တဲ့အမှားတွေအပေါ် နားလည်လက်ခံနိုင်ရပါမယ်။
တစ်ယောက်ကို တစ်ယောက် ဂရုတစိုက်ရှိရပါမယ်
Source: www.arrajol.com
ဘာလို့ ဂရုစိုက်ရမှာလဲလို့တော့ မမေးလိုက်ပါနဲ့။ လူတိုင်းက ဂရုစိုက်မှုနဲ့ နွေးထွေးမှုတို့ကို လိုလားပါတယ်။ ကိုယ်က ဒီလို ဂရုတစိုက်ရှိမှုတွေကိုလိုချင်ရင် ကိုယ်ကအရင်ပေးရမှာပါ။ ဂရုစိုက်မှုဆိုတာ ချစ်သူဆီကရမှ ပျော်ရွှင်ရတာမဟုတ်ပါဘူး။ လုပ်ဖော်ကိုင်ဖက် အချင်းချင်းဆီကရတာလည်း နွေးထွေးပျော်ရွှင်ဖွယ် စိတ်ခံစားမှုပါပဲ။
မနာလိုခြင်း ကင်းရမယ်
Source: www.entertales.com
တစ်ယောက်နဲ့တစ်ယောက် မနာလိုဝန်တိုမှုတွေနဲ့ ပြည့်နှက်နေတဲ့လုပ်ငန်းခွင်ဟာ ပူလောင်နေမှာသေချာပါတယ်။ ကိုယ့်ထက်ကျော်သွားမှာ၊ ကိုယ့်ထက်နေရာရသွားမှာ စိုးရိမ်နေရင် ကိုယ်ကအလုပ်ကြိုးစားလိုက်ပါ။ ထိုင်ပြီးမနာလိုဖြစ်နေရုံနဲ့တော့ အားလုံးထက်သာလွန်တဲ့ ဝန်ထမ်းဖြစ်လာမှာ မဟုတ်ပါဘူး
ပြဿနာတွေကို ပူးပေါင်းဖြေရှင်းမယ်
Source: www.eleapsoftware.com
လုပ်ဖော်ကိုင်ဖက်အချင်းချင်း ပြဿနာတွေကို အတူတကွဖြေရှင်းတာဟာ ကောင်းတဲ့လက္ခဏာရပ်ဖြစ်ပါတယ်။ အချင်းချင်း ထိခိုက်နေအောင် ပြဿနာတွေပြုလုပ်နေမယ့်အစား ပြဿနာရပ်တိုင်းကို အတူတကွ ပူးပေါင်းအဖြေရှာကြတာ ကောင်းမွန်ပြီး လုပ်ငန်းအတွက်လည်း အရမ်းကောင်းပါတယ်။
