ခေါက်ဆွဲ စာများ စားရတာ နှစ်သက်တဲ့ ကွီး တို့အတွက် ရန်ကုန် မြို့တွင်းရှိ အကောင်းဆုံး စားသောက်ဆိုင်များအကြောင်း ညွှန်းပေးချင်ပါတယ်။
ထို ခေါက်ဆွဲ ဆိုင်များသည် ကွီး တို့ ဗိုက်ဆာလာတဲ့အခါ အလွယ်တကူသွားရောက်စားသောက်နိုင်တဲ့ ရန်ကုန် မြို့ရှိ အချက်အချာကျတဲ့နေရာမှာ တည်ရှိတာဖြစ်ပါတယ်။
999 Shan Noodle House
Photo: TasteAtlas
ဒီဆိုင်လေးကတော့ ရှမ်းဆိုင်ဖြစ်ပါတယ်။ သူကတော့ ၃၄ လမ်းမှာ တည်ရှိတာဖြစ်ပြီး ရှမ်အစားအစာများအပြင် အခြားသော ရိုးရာအစားအစာများကိုလည်း မြည်းစမ်းစားသုံးနိုင်ပါတယ်။ ရှမ်းခေါက်ဆွဲကို အရည်နဲ့လည်း စားသုံးနိုင်ပြီး လက်ဖက်ရည်တွေကလည်း ရှယ်ကောင်းပါတယ်။ ဒါတင်မကသေးပါဘူး။
Photo: Tripadvisor
ဝက်ဂုတ်သားကင်တို့ကိုလည်း မြည်းစမ်းစားသုံးနိုင်ပါသေးတယ်။ ဆိုင်ဖွင့်ချိန်ကတော့ နံနက် ၆ နာရီကနေ ည ၇ နာရီအထိဖြစ်ပါတယ်။ သားသတ်လွတ်သမားများလည်း စိတ်ချလက်ချစားသုံးနိုင်ပါတယ်။
Shan Kitchen
Photo: Tripadvisor
ဒုတိယတစ်ဆိုင်ကတော့ နဝဒေးလမ်း၊ ဒဂုံမြို့နယ်မှာ တည်ရှိတာဖြစ်ပါတယ်။ ဆိုင်ဖွင့်ချိန်ကတော့ နံနက် ၈ နာရီကနေ ည ၉ နာရီအထိဖြစ်ပါတယ်။ အစားအစာများက သန့်ရှင်းလတ်ဆတ်ပြီး ကျန်းမာရေးနဲ့ ညီညွှတ်ပါတယ်။ ဈေးနှုန်းတွေကတော့ ၂ ဒေါ်လာကနေ ၈ ဒေါ်လာအထိ အစားစားရှိပါတယ်။
ခေါက်ဆွဲဖြင့် ပြုလုပ်ထားတဲ့ အစားအစာများအပြင် ဟင်းထုပ်၊ အသုပ်စုံ၊ အကြော်စုံများ၊ ကြက်ဆီထမင်း စတဲ့ အရသာရှိတဲ့အစားအစာများကိုလည်း မြည်းစမ်းစားသုံးနိုင်ပါတယ်။
Mandalay Restaurant
Photo: Tripadvisor
ရန်ကုန်မြို့တွင်းမှာ တည်ရှိတဲ့ Mandalay Restaurant ဖြစ်ပါတယ်။ အတိအကျဆိုရင်တော့ တော်ဝင်လမ်း၊ ဒဂုံမြို့နယ် Belmond Governor’s Residence မှာ တည်ရှိတာဖြစ်ပါတ်ယ။ ဆိုင်ဖွင့်ချိန်ကတော့ နံနက် ၆ နာရီကနေ ည ၁၀ နာရီအထိဖြစ်ပါတယ်။
ခမ်းနားလှပတဲ့ ဆိုင်အပြင်အဆင်များဖြင့် ပြင်ဆင်ထားတဲ့အပြင် အစားအစာများကလည်း အရသာထူးကဲကောင်းမွန်ပါတယ်။ အစားအစာဈေးနှုန်းများကတော့ ဒေါ်လာ ၁၀ ကနေ ၇၂ ဒေါ်လာအထိရှိပါတယ်။ ရရှိနိုင်တဲ့ အစားအစာများကတော့ မြန်မာရိုးရာအစားအစာများအပြင် ဥရောပအစားအစာနှင့် အာရှအစားအစာမျိုးစုံကိုလည်း မြည်းစမ်းစားသုံးနိုင်ပါတယ်။ ခေါက်ဆွဲ စာများ ကြိုက်နှစ်သက်တဲ့ ကွီး တို့အတွက်တော့ ရန်ကုန် မြို့တွင်းရှိ နတ်ဘုံနတ်နန်းတစ်ခုလိုပါပဲ။
Shan Yoe Yar
Photo: Tripadvisor
နောက်ထပ် အမိုက်စားဆိုင်တစ်ဆိုင်နဲ့ မိတ်ဆက်ပေးချင်ပါသေးတယ်။ သူကတော့ ဝါးတန်းလမ်း၊ လမ်းမတော်ပေါ်မှာ တည်ရှိတာဖြစ်ပြီး ရှမ်းရိုးရာဆိုင်လေးတစ်ဆိုင်ဖြစ်ပါတယ်။ အစားအစာများကလည်း နာမည်ကြီးပြီး Plating လေးတွေကလည်း နှစ်လိုဖွယ်ကောင်းကာ သန့်ရှင်းသပ်ရပ်မှုကို အလေးပေးတဲ့ဆိုင်တစ်ဆိုင်ဖြစ်ပါတယ်။ ရှမ်းစာများအပြင် အချိုပွဲများနှင့်လည်း တည်ခံဧည့်ခံပါသေးတယ်။ ဆိုင်ဖွင့်ချိန်ကတော့ နံနက် ၆ နာရီကနေ ည ၁၀ နာရီအထိဖြစ်ပါတယ်။
Signature Fine Dining And The Garden Bistro
Photo: MYANMORE
Fine Dining ပုံစံမျိုးကိုမှ ကြိုက်နှစ်သက်တဲ့ ကွီးတို့အတွက်တော့ ဒီဆိုင်လေးကို ညွှန်းချင်ပါတယ်။ သူကတော့ ကန်တော်ကြီး ကန်ပက်လမ်းပေါ်မှာ တည်ရှိတာဖြစ်ပါတယ်။ မြန်မာအစားအစာများအပြင်၊ အာရှအစားအစာ၊ ဥရောပအစားအစာများနှင့် အခြားသော နိုင်ငံတကာအစားအစာများကိုလည်း မြည်းစမ်းစားသုံးနိုင်ပါတယ်။ ဆိုင်ဖွင့်ချိန်ကတော့ နံနက် ၇ နာရီကနေ ည ၁၁ နာရီအထိဖြစ်တဲ့အတွက်ကြောင့် မနက်စာပဲစားစား၊ နေ့လည်စာပဲစားစား၊ ညစာပဲဖြစ်ဖြစ် သွားရောက်စားသုံးနိုင်ပါတယ်။
အခုဖော်ပြပေးတဲ့ ဆိုင်များကို ကွီးတို့အားလုံး အကြိုက်တွေ့ကြလိမ့်မယ်လို့ မျှော်လင့်မိပါတယ်။
Source: Tripadvisor
Featured Image: Bestpricetravel
