ရန်ကုန်မြို့ပြီးရင် အရောင်အသွေးစုံတဲ့ မြို့ပြညများနဲ့ စည်ကားနေတာကတော့ ကျွန်တော်တို့ ချစ်ရတဲ့ မန္တလေးမြို့ ပါပဲ။ မန္တလေးမြို့ ဟာ အရသာရှိတဲ့ အစားအသောက်တွေ ၊ ပျော်ရွှင်စရာ Nightlife နဲ့ အနားယူအပန်းဖြေစရာ Bar / Restaurants တွေ အများအပြား တည်ရှိရာ မြို့ တစ်မြို့ဖြစ်ပါတယ်။ ဒီတစ်ခေါက်တော့ မန္တလေးသား ကွီးတို့ရော ၊ မန္တလေးကို အလည်အပတ်သွားမယ့် ကွီးတို့ပါ သိထားသင့်တဲ့ လူငယ်ဆန်တဲ့ အပြင်အဆင် ၊ အရသာရှိတဲ့ အစားအသောက်တွေနဲ့ ကမ်းကုန်အောင်လန်းတဲ့ မန္တလေးမြို့ က အမိုက်စား Bar တွေကို စုစည်းတင်ဆက်ပေးချင်ပါတယ်။
(၁) Cheers Bar & Restaurant
Photo : Cheers Bar & Restaurant
ဒီဆိုင်လေး လူလတ်ပိုင်းရော ၊ လူငယ်တွေပါ Chill လို့ရမယ့် အမိုက်စားဆိုင်လေး။ Indoor မှာပဲ DJ နဲ့ Club ဆန်ဆန် ကဲမလား ၊ Rooftop မှာ လွတ်လွတ်လပ်လပ် Unplugged လေးနဲ့ လွင့်မြောမလား စိတ်ကြိုက်ပဲ။ ဆိုင်အပြင်အဆင် Decoration ကတော့ လူငယ်အကြိုက် လုံးဝအထာအကျတယ်။ အစားအသောက်တွေ တော်တော်စုံတယ်။ ဘီယာ ၊ ဝီစကီ ၊ ကော့လ်တေး အစုံရတယ်။ Food Menu တွေထဲမယ်လည်း ရွေးချယ်စရာ အတော်စုံတယ်။ ဆိုင်လိပ်စာကတော့ ၃၂ လမ်း ၊ ၆၈ လမ်းနဲ့ ၆၉ လမ်းကြား ၊ မန္တလေးမြို့ ဖြစ်ပါတယ်။
(၂) Starry Bar & Restaurant
Photo : Starry Bar & Restaurant
ဒီဆိုင်လေးကတော့ ဘော်ဒါတွေနဲ့ အဖွဲ့လိုက် ဆုံချင်လို့ ဖြစ်ဖြစ် ၊ ချစ်သူလေးနဲ့ နှစ်ယောက်တည်း အေးဆေး ဒိတ်ချင်လို့ပဲ ဖြစ်ဖြစ် တော်တော်အဆင်ပြေတယ်။ ဆိုင်အပြင်အဆင်က ကျယ်ကျယ်ဝန်းဝန်းနဲ့ တော်တော်လေး ဆွဲဆောင်မှုရှိတယ်။ ရေကန်လေးရယ် ၊ အုံဆိုင်းနေတဲ့ အပင်တွေရယ်က စိတ်ရောကိုယ်ပါ Relax ဖြစ်စေတယ်။ ညဘက်မီးရောင်စုံ View ကလည်း တော်တော်လေး လှတယ်။ ကားပါကင်ကျယ်ကျယ်ဝန်းဝန်းရှိတယ်။ အရသာရှိတဲ့ အစားအသောက်တွေ စုံတယ်။ ဆိုင်လိပ်စာက လမ်း ၆၀ ၊ ပိတောက်လမ်းနဲ့ စံပယ်လမ်းကြား ၊ မန္တလေးမြို့ ဖြစ်ပါတယ်။
(၃) Hive Bar & Barbeque
Photo : Hive Bar & Barbeque
ဒီဆိုင်လေးကတော့ ခြံဝန်းကျယ်ကြီးထဲမှာ စည်ပိုင်း Table ဝိုင်းတွေရယ် ၊ ကွန်တိန်နာ Box ပေါ်က အမိုက်စား Table ဝိုင်းတွေရယ်နဲ့ တော်တော်လေး အထာကျတဲ့ ဆိုင်လေး။ ဓာတ်ဖမ်းလို့လှတဲ့ Decoration လေးဆိုတော့ လူငယ်တွေအကြိုက်ပဲပေါ့။ ဆိုင်အပြင်အဆင်ကလန်းသလို အစားအသောက်တွေလည်း ရှယ်ပဲ။ အကင်တွေကတော့ ဒီဆိုင်မှာ နာမည်အကြီးဆုံးလို့ ပြောရမယ်။ အကြော် ၊ အလှော် ၊ အထောင်း စားချင်စဖွယ် Menu တွေ အစုံရသေးတယ်။ အပတ်စဉ် Unplugged Music အစီအစဉ်လည်းရှိတော့ စားရင်းသောက်ရင်း သီချင်းလေးတွေနားထောင်ရင်း အေးဆေး Relax လုပ်ရုံပါပဲ။ ဆိုင်လိပ်စာက ၂၆ လမ်း နဲ့ ၂၇ လမ်းကြား ၅၉ လမ်းပေါ် ၊ မန္တလေးမြို့ ဖြစ်ပါတယ်။
Featured Photo : Hive Bar & Barbeque
