ထိုင်း အစားအစာများကို ကြိုက်နှစ်သက်ကြတဲ့ ကွီးတို့အတွက် ဒီတစ်ခါမှာတော့ ရန်ကုန် မြို့တွင်းရှိ အရသာထူးကဲကောင်းမွန်တဲ့ စားသောက် ဆိုင် များအကြောင်း ဝေမျှပေးချင်ပါတယ်။

ကွီးလည်း အခုဖော်ပြပေးသွားမယ့် ထိုင်း အစားအစာများ မြည်းစမ်းနိုင်တဲ့ ရန်ကုန် မြို့တွင်းရှိ စားသောက်ဆိုင် တစ်ဆိုင်ဆိုင်ကို တစ်ခါလောက်သွားရောက်မြည်းစမ်းကြည့်လိုက်တာနဲ့ ထပ်ခါထပ်ခါ သွားစားချင်နေမှာ အမှန်ပါပဲ။

Green Gallery

ထိုင်း ရန်ကုန် စားသောက်ဆိုင်

Photo: Tripadvisor

ဒီဆိုင်လေးကတော့ ထိုင်းအစားအစာတွေအပြင် အခြားသောအာရှအစားအစာများကိုလည်း မြည်းစမ်းစားသုံးကြည့်နိုင်ပါတယ်။ သားသတ်လွတ်သမားများအတွက်လည်း အခြားသောသီးသန့်ဟင်းလျာများ ပြင်ဆင်ပေးထားတာကတော့ သူ့ရဲ့အားသာချက်ပါပဲ။

ဒီဆိုင်လေးကတော့ ၅၂ လမ်း အောက်ဘလောက်မှာ ဖွင့်လှစ်ထားတဲ့ ရန်ကုန် မြို့တွင်းရှိ အကောင်းဆုံး ထိုင်း စားသောက်ဆိုင် တစ်ဆိုင်ဖြစ်ပြီး ဆိုင်ဖွင့်ချိန်ကတော့ နေ့လည် ၁၂ နာရီကနေ မွန်းလွဲ ၃ နာရီမှာ တစ်ကြိမ်၊ ညနေ ၆ နာရီကနေ ည ၉ နာရီအထိ တစ်ကြိမ် ဖွင့်လှစ်ပါတယ်။

Monsoon Restaurant

ထိုင်း ရန်ကုန် စားသောက်ဆိုင်

Photo: Mingalago

ဒီစားသောက်ဆိုင်လေးကတော့ သိမ်ဖြူလမ်းနှင့် ဗိုလ်တစ်ထောင်လမ်းကြားမှာ တည်ရှိတာဖြစ်ပါတယ်။ နေ့လည်စာနှင့် ညစာကို အဓိကထား စားသုံးနိုင်ပါတယ်။ ထိုင်းစာများအပြင် ရိုးရာမြန်မာအစားအစာများ၊ အခြားသောအာရှအစားအစာများကိုလည်း စားသုံးနိုင်တဲ့အတွက်ကြောင့် အစားအသောက်ချစ်သူများအကြား နာမည်ကြီးတဲ့ဆိုင်တစ်ဆိုင်ဖြစ်ပါတယ်။ သူသည်လည်း သားသတ်လွတ်သမားများအတွက် သင့်တော်တဲ့ဆိုင်တစ်ဆိုင်ဖြစ်ပါတယ်။

Royal Jasmine Authentic Thai Cuisine

ထိုင်း ရန်ကုန် စားသောက်ဆိုင်

Photo: Tripadvisor

ဒီဆိုင်လေးရဲ့အပြင်အဆင်ကတော့ မျက်လုံးအေးပြီး စိတ်အေးချမ်းသာစွာနဲ့ ထိုင်လို့ရတဲ့ ဆိုင်တစ်ဆိုင်ဖြစ်ပါတယ်။ ဒီဆိုင်လေးကတော့ ဒိုင်းမွန်းကွန်ဒို၊ ပြည်လမ်းနှင့် နာနတ်တောလမ်းထောင့်မှာ တည်ရှိပါတယ်။ ဆိုင်ဖွင့်ချိန်တွေကတော့ နံနက် ၁၁ နာရီကနေ ည ၁၀ နာရီအထိဖြစ်ပါတယ်။ Foodies တွေ တော်တော်များများ ကြိုက်နှစ်သက်ကြတဲ့ ရန်ကုန် မြို့တွင်းရှိ ထိုင်း စားသောက်ဆိုင် တစ်ဆိုင်ဖြစ်ပါတယ်။

Mai Thai

ထိုင်း ရန်ကုန် စားသောက်ဆိုင်

Photo: Myanmaryp

နောက်ထပ် ထိုင်းဆိုင်ကောင်းကောင်းလေး တစ်ဆိုင်ကို ညွှန်းပေးရမယ်ဆိုရင်တော့ Mai Thai ကို ညွှန်းပါရစေ။ ချဉ်ချဉ်စပ်စပ်ဟင်းလျာများကို အမယ်စုံအောင် မြည်းစမ်းနိုင်ပြီး အရံဟင်းလျာများလည်း အများအပြား ချပေးလေ့ရှိပါတယ်။

ဆိုင်ဖွင့်ချိန်ကတော့ နံနက် ၁၀ နာရီကနေ ည ၁၁ နာရီအထိဖြစ်ပါတယ်။ တည်နေရာကတော့ အနောက်ရွှေဂုံတိုင်လမ်း၊ ဗဟန်းမြို့နယ်မှာ တည်ရှိတာဖြစ်ပါတယ်။ ရုံးဆင်းတဲ့အချိန်မှာ မိုးဖွဲဖွဲလေး ကျနေမယ်ဆိုရင်တော့ ရှူးရှူးရှဲရှဲနဲ့ စားလို့ကောင်းတဲ့ ဆိုင်တစ်ဆိုင်ပဲဖြစ်ပါတယ်။

THAI 47 – Downtown Branch

thai restaurant in Yangon

Photo: Myanmore

ဒီဆိုင်က ထိုင်းစာတွေကို စားမိလိုက်တာနဲ့ ဆွေမျိုးမေ့သွားလောက်တဲ့ထိ အရသာ ကောင်းလွန်းလှပါတယ်။ ထိုင်းစာကို အဓိကထား ရောင်းချတာဖြစ်ပြီး ဈေးနှုန်းတွေကတော့ ၄ ဒေါ်လာကနေ ၁၇ ဒေါ်လာအထိ အစားစားရှိပါတယ်။ တည်နေရာကတော့ ၄၇ လမ်းနှင့် အနော်ရထာလမ်းထောင့်မှာ တည်ရှိပါတယ်။

Bangkok Kitchen

thai restaurant in Yangon

Photo: Tripadvisor

Bangkok Kitchen ရဲ့ ဆိုင်အပြင်အဆင်လေးကတော့ ထိုင်းရိုးရာဆန်ဆန်ပြင်ဆင်ထားတာဖြစ်ပါတယ်။ နှစ်လိုဖွယ်ကောင်းတဲ့ အပြင်အဆင်များအပြင် ဆိုင်ရဲ့အစားအသောက်တွေကလည်း အရသာထူးကဲကောင်းမွန်လှပါတယ်။ ထိုင်းအစားအစာများအပြင် အာရှအစားအစာများ၊ သားသတ်လွတ်ဟင်းလျာများကိုလည်း မှာယူစားသောက်နိုင်ပါတယ်။

ထိုင်းအစာအစာချစ်သူများအနေနဲ့ အခုဖော်ပြပေးသွားတဲ့ ထိုင်းဆိုင်တွေထဲက ဘယ်နှဆိုင်လောက် သွားထိုင်ဖူးပါသလဲ။

Source: Tripadvisor

Featured Image: Manofmany