တစ်ပတ်တာ ပြီးဆုံးလို့ ပိတ်ရက်ကို ရောက်ရှိလာပြန်ပါပြီ ကွီးတို့ရေ။ ဒီလို ပိတ်ရက်လေးမှာ ချစ်သူလေးနဲ့ Date ဖို့ ဘားနဲ့ စားသောက်ဆိုင်ကောင်းကောင်းလေး ရှာနေပါသလား။ ဒါဆိုရင်တော့ ကွီးတို့အတွက် ချစ်သူလေးနဲ့ အတူ အေးအေးဆေးဆေး ထိုင်လို့ကောင်းတဲ့ ဘား နဲ့ စားသောက်ဆိုင်များ ကိုဖော်ပြပေးလိုက်ပါတယ်နော်။

Limitless BBQ & Restaurant

Photo : Limitless BBQ & Restaurant Facebook Page

ကွီးတို့ရေ တောင်ဥက္ကလာဘက်မှာ ချစ်သူလေးနဲ့ ထိုင်ဖို့ ဆိုင်ရှာနေတယ်ဆိုရင် Limitless BBQ & Restaurant ဆိုတဲ့ ဆိုင်လေးရှိပါတယ်။ ဒီဆိုင်လေးရဲ့ အပြင်အဆင်ကတော့ Indoor နဲ့ Outdoor ဆိုပြီး နှစ်မျိုးရှိပါတယ်။ ကွီးတို့ချစ်သူလေးနဲ့အတူ Outdoor မှာပဲ လေနုအေးလေးတွေခံစားရင်း အေးအေးဆေးဆေး စကားပြောကြမလား ဒါမှမဟုတ် Indoor ဧရိယာမှာပဲ Unplugged တေးဂီတလေးတွေ အတူတူနားဆင် ကြမလားဆိုတာ စိတ်ကြိုက်ရွေးချယ်လိုက်ပါ။ ဒါ့အပြင် အဖျော်ယမကာများနဲ့ အတူစားဖို့ အရသာရှိပြီး Portion များများပါတော့ အဆင်ပြေတာပေါ့။ ဒီဆိုင်လေးက ကွီးတို့ချစ်သူလေးနဲ့တင်မကဘဲ ဘော်ဒါတွေနဲ့လည်း Chill လို့ကောင်းတဲ့ ဆိုင်လေးပါပဲ။

ဒီဆိုင်လေးရဲ့ လိပ်စာကတော့ အမှတ် ၂၉၈၊ ၄/၆ ဗြဟ္မစိုရ်လမ်း၊ တောင်ဥက္ကလာပ မြို့နယ်၊ ရန်ကုန်မြို့ပဲ ဖြစ်ပါတယ်။

Vintage 36

Photo : Vintage 36 Facebook Page

နောက်ထပ်ဖော်ပြပေးချင်တဲ့ ချစ်သူလေးနဲ့ အတူထိုင်လို့ ကောင်းမဲ့ ဘား လေးကတော့ Vintage 36 ဆိုတဲ့ ဘားလေးပဲ ဖြစ်ပါတယ်။ ဒီဘားလေးရဲ့ အပြင်အဆင်က တကယ်ကို ဂန္တဝင်ဆန်ပြီး ကွီးတို့ချစ်သူလေး သဘောကျစေမှာပါ။ ဒါ့အပြင် ဒီဘားလေးမှာ တေးဂီတ အမျိုးအစားမျိုးစုံ နားဆင်ခံစားနိုင်တဲ့ အပြင် လက်တင် တေးဂီတကိုပါခံစားနိုင်တဲ့ ဘားလေးဖြစ်ပါတယ်။ သောက်စရာမျိုးစုံနဲ့ အရသာရှိတဲ့ အစာအစားတွေကို သုံးဆောင်ရင်း တေးဂီတလေးတွေ ခံစားပြီး တမူထူးခြားတဲ့ရသကို ခံစားရမှာပါ။

ဒီဘားလေးရဲ့ လိပ်စာကတော့ ၃၆၊ အနော်ရထာလမ်း၊ မဂ္ဂင်လမ်းနှင့် အောင်ဇေယျလမ်းကြား၊ ရန်ကင်းမြို့နယ်၊ ရန်ကုန်မြို့ပဲ ဖြစ်ပါတယ်။

Old Scull Bar & Restaurant

Facebook : Old Scull Bar & Restaurant Facebook Page

ကွီးတို့ ချစ်သူလေးနဲ့ အတူ တမူထူးခြားတဲ့ Vibe ပေးနိုင်တဲ့ ဘား လေးမှာ တူတူထိုင်ချင်တယ်ဆိုရင်တော့ Old Scull Bar & Restaurant ဆိုတဲ့ ဘားလေးရှိပါတယ်။ ဒီဘားလေးက Cowboy Bar ဘားလေး ဖြစ်ပြီး ဆိုင်ရဲ့အပြင်အဆင်ကလည်း Cowboy စတိုင်လ်ကြိုက်တဲ့ ကွီးတို့တကယ်ကို သဘောကျစေမှာပါ။ ဒီဘားလေးမှာ တေးဂီတ အစီအစဉ်တွေကိုလည်း နားဆင်နိုင်ပါတယ်။ ဒါ့အပြင် Old Scull Handcraft ဘီယာကို မြည်းစမ်းရင်း အခြားသော အဖျော်ယမကာများနဲ့ အရသာရှိတဲ့ အစားအသောက်မျိုးစုံကိုလည်း သုံးဆောင်နိုင်ပါသေးတယ်။ ကွီးတို့အတွက် ဆန်းပြားတဲ့ ခံစားချက်လေး ပေးစွမ်းနိုင်မှာပါ။

ဒီဘားလေးရဲ့ လိပ်စာကတော့ အမှတ် ၁၀၄၉/ ဘီ၊ ပြည်ထောင်စုလမ်း၊ ၃၈ ရပ်ကွက်၊ မြောက်ဒဂုံမြို့နယ်၊ ရန်ကုန်မြို့ပဲ ဖြစ်ပါတယ်။

Featured Photo : limitless BBD & Restaurant