အားလုံးပဲ မင်္ဂလာပါ။ လေ့ကျင့်ခန်းလုပ်တယ်ဆိုတာဟာ အင်မတန်ခက်ခဲကြမ်းတမ်းတဲ့ အရာတစ်ခုပါ။ ကြိုက်တဲ့လူတွေအတွက်ကျတော့လည်း တစ်ခါလုပ်ပြီးသွားတာနဲ့ ဘယ်လိုမှရပ်တန့်လို့မရတော့တဲ့ အရာတစ်ခုပါပဲ။
ဒါပေမယ့်အချို့လူတွေကတော့ အကြောင်းအရင်းအမျိုးမျိုးကြောင့် Gym မသွားနိုင်ကြပါဘူး။ ဒီလိုသူငယ်ချင်းတွေအတွက် ကျစ်လစ်တဲ့ ခန္ဓာကိုယ်တည်ဆောက်ရာမှာ အထောက်အပံ့ဖြစ်စေတဲ့ လေ့ကျင့်ခန်းလေးတွေကို ဖော်ပြပေးချင်ပါတယ်။
Gym ထိသွားစရာမလိုဘဲ အိမ်မှာလည်းအလွယ်တကူလုပ်နိုင်မှာပါ။
(၁) Plank
Source: Men’s Health India
Plank ထောက်တဲ့အခါ ဝမ်းဗိုက်ကြွက်သားတွေပါ အလုပ်လုပ်စေတဲ့အတွက်ကြောင့် ကျောရိုးကိုပါအထောက်အကူဖြစ်စေပြီး သန်မာစေလို့ Six Pack ထွက်ဖို့အတွက် အဓိကလိုအပ်တဲ့ လေ့ကျင့်ခန်းတစ်ခုပါပဲ။
Plank လေ့ကျင့်ခန်းကို အနည်းဆုံး ၂ မိနစ်ပြုလုပ်ပေးရပါမယ်။
(၂) Squats
Source: The Underground Lab
Squat လေ့ကျင့်ခန်းပြုလုပ်တာဟာ နာကျင်ပေမယ့်လည်း ကိုယ့်ရဲ့တင်ပါးကို တင်းရင်းစေဖို့အတွက် အကောင်းဆုံးလေ့ကျင့်ခန်းပဲဖြစ်ပါတယ်။ ပေါင်ရင်းသား၊ ခြေသလုံးစတဲ့ ခန္ဓာကိုယ်အောက်ပိုင်းကို သန်မာစေပါတယ်။
တစ်နေ့လျှင် အကြိမ် ၅၀ လုပ်ပေးပါ။
(၃) အိပ်ထမတင်
Source: listtoday.org
ဝမ်းဗိုက်ကြွက်သားတွေကို တည်ဆောက်ဖို့အတွက် အကောင်းဆုံးလေ့ကျင့်ခန်းတစ်ခုဖြစ်တဲ့ အိပ်ထမတင်ကိုတော့ တစ်ခါလုပ်ရင် အကြိမ် ၂၀ ကို သုံးကြော့လုပ်ပေးရပါမယ်။
(၄) ကြိုးခုန်ခြင်း
Source: Men’s Health
ငယ်စဉ်တုန်းကလည်း ကြိုးခုန်ဖူးပေမယ့် အရွယ်ရောက်လာတဲ့အခါမှာတော့ ခန္ဓာကိုယ်ပုံစံကို သေချာတည်ဆောက်နိုင်ဖို့အတွက် ပိုပြီးကြိုးခုန်ဖို့ ကိုယ့်ကိုယ်ကို တွန်းအားပေးသင့်ပါတယ်။ ၁၀ မိနစ်ကြိုးခုန်တာဟာ မိနစ် သုံးဆယ်ပြေးခြင်းနဲ့ ညီမျှပါတယ်။ ဒါကြောင့် တစ်နေ့လျှင် အကြိမ် ၂၀၀ လောက် ကြိုးခုန်ပေးပါ။
(၅) ရှေ့ခြေထိုးလေ့ကျင့်ခန်း
Source: Shutterstock
Squat နဲ့ ပုံစံတူပေမယ့် ခန္ဓာကိုယ်အောက်ပိုင်းရဲ့ အပိုင်းအကုန်လုံးကို ကျစ်လစ်လှပစေတဲ့ လေ့ကျင့်ခန်းတစ်ခုဆိုလည်း မမှားပါဘူး။ လေ့ကျင့်ခန်းလုပ်မယ်ဆိုရင်တော့ ခြေထောက်တစ်ဖက်ကို အကြိမ် ၂၀ လုပ်ပေးပါ။
(၆) ဒိုက်ထိုးလေ့ကျင့်ခန်း
Source: Health Mates
ဒိုက်ထိုးလေ့ကျင့်ခန်းကတော့ အမျိုးသားတွေကြားမှာ ရေပန်းစားဆုံး လေ့ကျင့်ခန်းဖြစ်ပြီး လက်ရုံးကြွက်သားနှင့် လက်မောင်းရင်း နောက်ဘက် ကြွက်သားစိုင်တွေကို သန်မာစေပါတယ်။ တစ်ခါလုပ်ရင် အကြိမ် ၅၀ လုပ်ပေးပါ။
(၇) အပြေးလေ့ကျင့်ခန်း
Source: YouWorkForThem
အပြေးလေ့ကျင့်ခန်းကတော့ ခန္ဓာကိုယ်တစ်ခုလုံးကို လေ့ကျင့်ခန်းလုပ်ပေးဖြစ်ပြီး အဆီလောင်ကျွမ်းစေဖို့လည်း အလွန်ကိုအထောက်အကူဖြစ်စေပါတယ်။ စလုပ်ချိန်မှာ ၁၅ မိနစ်လောက်ပြုလုပ်ပြီး နောက်ပိုင်းတွေမှာတော့ ၄၅ မိနစ် ပြုလုပ်ပေးပါ။
(၈) အကလေ့ကျင့်ခန်း
Source: Public Radio International
ကခုန်ခြင်းကလည်း လေ့ကျင့်ခန်းလုပ်တာ မဟုတ်ဘူးလို့ ဘယ်သူပြောပါသလဲနော်။ ကိုယ်က ကတတ်သည်ဖြစ်စေ၊ မကတတ်သည်ဖြစ်စေ အပြေးလေ့ကျင့်ခန်းလိုပဲ ကခုန်ခြင်းကလည်း ခန္ဓာကိုယ်တစ်ခုလုံးကို အပြည့်လေ့ကျင့်ခန်းလုပ်ပေးရာရောက်ပါတယ်။
Featured Image Source: Men’s Journal